قائداعظم محمد علی جناح ءِ سالروچ ءَ آئی ءِ رہشونی ءِ اصولانی سرا عمل کنگ ءِ مئے جزم  ءِ نوک کنگ ءِ موہ  پجاری کنت، مزن وزیر شہباز شریف

اسلام آباد۔25دسمبر  (اے پی پی): مزن وزیر محمد شہباز شریف ءَ پاکستان ءِ جوڑیشتکار  قائداعظم محمد علی جناح ءَ را یات کنان ءَ گوشت کہ قائداعظم محمد علی جناح ءِ پیدائش ءِ روچ ءَ آئی ءِ رہشونی ءِ اصول آنی سر ءَ عمل کنگ ءِ واستہ مئے جزم  ءِ نوک کنگ ءِ موہ رس ایت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ گوستگیں روچ ءَ پنچ شمبے ءِ روچ ءَ قائداعظم محمد علی جناح ءِ 149می سالروچ ءِ موہ ءَ مزن وزیر ءَ وتی گشتانک ءِ تہ ءَ گوشت کہ ما سرجمیں راج ءِ گوما قائد جناح ءَ را دل ءِ جہلانکی ءَ چہ شگر ءُ منت وار ایں ۔ آئی ءَ گوشت کہ ھمک سال قائداعظم ءِ پیدائش ءِ روچ ءَ سرجمیں راج ءَ را انفرادی ءُ اجتماعی راجی تک ءَ قائداعظم، ریاستی وشھالی ءُ دائمی چاگردی اصلاحات ءِ رہشونی اصول آنی سر ءَ جوانیں رنگ ءَ عمل کنگ ءِ واستہ وتی جزم  ءِ نوک کنگ ءِ موہ ھم رس ایت۔ مزن وزیر ءَ گوشت کہ قائداعظم ءَ رنگ ءُ نسل ءِ پرک ءَ ابید برابری ءِ رہشونی ءِ رھبند، مذھبی ھمگرنچی، چاگردی رواداری ءُ انصاف ءِ سکین داتگ۔ آئی ءِ ایمان، تپاکی ءُ تنظیم سازی ءِ زرین اصول نہ ایوک ءَ رژنائیں راجی باندات ءِ ضمانت انت بلکیں پاکستان ءِ آیوکیں باندات آنی واستہ چراگ ءِ چراگ انت۔ آئی ءَ گوشت کہ قائداعظم محمد علی جناح یک مزنیں رہشون ءُ جھان ءِ رہشون انت آئی ءِ سیاسی ویژن ءُ بے وسیں سروکی ءَ پاکستان ءُ ملک ءِ مسلمان آنی سیاسی آیوکیں باندات ءَ فیصلہ کنوکیں کرد پیلو کتگ۔ قائداعظم محمد علی جناح زمین ءِ یک ناقابل فراموشیں چُکے کہ آئی ءَ راجدپتر ءِ رِد ءُ بند داتگ ءُ خدا ءِ بادشاہی ءِ جوڑ کنگ ءَ ممکن کتگ۔ مزن وزیر ءَ گوشت کہ قائد ءِ جزم، جزم ءُ دل ءِ جہد ءَ برصغیر ءِ لاکھوں مسلمان آنی واب گواچنیءِ تہ ءَ بدل کت۔ آئی ءَ پہ مسلماناں آجوئیں، آجو ءُ وشھالیں ریاست ءِ بے مٹیں جزم ءِ ھاترا دل ءِ جہلانکی ءَ جنگ کتگ، آئی ءَ نہ ایوک ءَ نوآبادیاتی ءِ ھلاپ ءَ جنگ کتگ بلکیں سامراجی قوتاں ھم ھلاس کتگ۔ مزن وزیر ءَ راج ءَ را دعوت دات کہ آ بیا اَنت ءُ مرچی وتی وعدہ ءَ نوک بہ کن اَنت کہ قائداعظم ءِ رندگیری ءَ راجی عزت ءُ شرپ، ایمنی، دیمروئی ءُ وشھالی ءِ واستہ زند ءِ ھمک پڑ ءَ یکجائی ءَ گوں ساپ دلی ءُ بے مٹیں واھگ  ءِ گوما کار کن اَنت۔