کوئٹہ۔ 25 دسمبر (اے پی پی) گورنر بلوچستان جعفر خان مندوخیل کرسمس نا خوشی نا وخت آ پاکستان تون اوار مچ آ دنیا نا مسیحی برادری ءِ مبارکبادی تسنے۔ تینا کلہو اٹی اوپارے کہ کرسمس خوشی، ہمدردی و یکجہتی نا جوزہ ءِ ودی کیک ہنداسوب آن المی ءِ کہ او دا اجتماعی خوشی ٹی نیزگار، چوری و نادار بندغ آتے ہم اوار کیر۔ گورنر مندوخیل بلوچستان خاص کر کوئٹہ ٹی …
گورنر بلوچستان نا کرسمس نا وخت آ کلہو
کوئٹہ۔ 25 دسمبر (اے پی پی) گورنر بلوچستان جعفر خان مندوخیل کرسمس نا خوشی نا وخت آ پاکستان تون اوار مچ آ دنیا نا مسیحی برادری ءِ مبارکبادی تسنے۔ تینا کلہو اٹی اوپارے کہ کرسمس خوشی، ہمدردی و یکجہتی نا جوزہ ءِ ودی کیک ہنداسوب آن المی ءِ کہ او دا اجتماعی خوشی ٹی نیزگار، چوری و نادار بندغ آتے ہم اوار کیر۔ گورنر مندوخیل بلوچستان خاص کر کوئٹہ ٹی تعلیم و جان جوڑی نا بشخ آتیٹی مسیحی برادری نا خذمت آتا ستاءِ کرسا اوفتا پرامن جوزہ و انسانی سنگتی نا ستاءِ کرے و دا اومیت نا درشانی ءِ کرے کہ مسیحی برادری آخبت ملک و صوبہ نا شونداری و شونہالی کن کوشست کرسا کیک و راج انا غٹ تپہ غاتا نیام اٹ شمولیت، رواداری و کمکاری نا کچ ءِ مون آ دننگ نا تینا عزم انا درشانی ءِ کیک۔
