کوئٹہ۔ 25 دسمبر (اے پی پی) گورنر بلوچستان جعفر خان مندوخیل قائد اعظم محمد علی جناح نا 149 می ودی دے آ تینا کلہو اٹی قائد نا پاکستان نا آجوئی و وتواجہی کن خذمت و بدل مفروک لگن ءِ خراج عقیدت پیش کرے۔ پنچ شنبے نادے آ تینا بیان اٹی گورنر قائد نا سیوت، ایمان و ڈسپلن نا اصول آتے برقرار تخنگ نا پائیدار اہمیت آ زور شاغسا پارے کہ …
گورنر بلوچستان جعفر خان مندوخیل نا قائد اعظم محمد علی جناح نا ودی دے آ کلہو
کوئٹہ۔ 25 دسمبر (اے پی پی) گورنر بلوچستان جعفر خان مندوخیل قائد اعظم محمد علی جناح نا 149 می ودی دے آ تینا کلہو اٹی قائد نا پاکستان نا آجوئی و وتواجہی کن خذمت و بدل مفروک لگن ءِ خراج عقیدت پیش کرے۔ پنچ شنبے نادے آ تینا بیان اٹی گورنر قائد نا سیوت، ایمان و ڈسپلن نا اصول آتے برقرار تخنگ نا پائیدار اہمیت آ زور شاغسا پارے کہ دا قدر اینو ہم قومی یکجہتی و ملک انا شونداری و شونہالی کن المی ءِ۔ جعفر خان مندوخیل الس آ زور شاغا کہ او تینا قائد نا پاروک آ اصول آتا رداٹ پاکستان نا شونداری و شونہالی ٹی زیات آن زیات بشخ ہلنگ نا قول کیر۔ گورنر بلوچستان ملک ءِ مون تروک اندرونی و بیرونی چیلنج آتون مون تننگ کن اجتماعی گام گیج آتا گرج آتے مون آتخا و پارے کہ ضرورت داہیت انا ءِ کہ نن غٹ پاکستان نا روشنا آخبت نا جوڑ کننگ کن کمک، رواداری و پبی بشخ ہلنگ نا جوزہ ءِ مون آ دننگ کن اواری اٹ کاریم کین۔
