وزیراعظم محمد شہباز شریف نا کرسمس نا وخت آ مچ آ دنیا خاص کر پاکستان نامسیحی برادری ءِ مبارکباد

اسلام آباد۔ 25 دسمبر (اے پی پی) وزیراعظم محمد شہباز شریف کرسمس نا خوشی و بابرکت وخت آ مچ آ دنیا خاص کر پاکستان نا مسیحی برادری ءِ مبارکبادی تسنے۔ پنچ شنبے نادے آراجی رابطہ نا ویب سائٹ ایکس آ تینا پوسٹ اٹی تینا کلہو اٹی وزیراعظم پارے کہ نن حضرت عیسیٰ نا زند و تعلیمات آتے یات کرسا و اونا جشن ءِ اڈ ایتنہ، ہرانا مہرومریبت، امن ، ہمدردی و سیوت آ تالان لازوال کلہو اینو ہم مچ آ انسانیت کن کسر نا ڈیواءِ۔ اوپارے کہ حضرت عیسیٰ  بے لوث خذمت نا بڑزکو اصول آتے تینا کرے و تینا زند ءِ انسانی مصیبت آتے کم کننگ و نزور تپہ غاتا گچینی کن وقف کرے۔ وزیراعظم پارے کہ پاکستان نا مسیحی برادری ننا قومی راج انا اسہ اہم و گمر نا قابل بشخ اسے ءُ۔ تعلیم، جان جوڑی و راجی آسودہی نا بشخ آتیٹی اوفتا بھلو خذمت و دہشت گردی نا برخلاف جنگ اٹی قوم اتون ہم کوپہ تروک قربانیک ستاکڑزوک و ننکن اجتماعی گمرنا سوبءِ۔ اودعاکرے کہ دا تہوار است آتے خوشی تیان پُرکے، ہم گرنچی نا رشتہ غاتے سوگو کے و غٹ اکن امن، اومیت و شونہالی نا کلہو اتے۔