پاکستان  ءَ  معاشی  برجائی، گہتری ءُ پالیشی  ءَ ملکی ءُ عالمی تک ءَ دل یکیمی برجا کتگ، معیشت برآمدات ءِ سروکی ءَ دیمروئی ءِ نیمگ ءَ روگ ءَ انت، وزیر خزانہ محمد اورنگزیب ءِ   ءِ نامداریں امریکی تاکبند ءَ شنگ بوھوکیں گلگدار

اسلام آباد۔24دسمبر  (اے پی پی): وفاقی وزیر برائے مالیات ءُ آمدنی محمد اورنگزیب ءَ گوشت کہ پاکستان یک المی ئیں اقتصادی موڑ ءِ سر ءَ سر بوتگ، اقتصادی برجائی ءِ تہ ءَ برجاھیں گہتری ءُ گہتری آنی سبب ءَ ملکی ءُ جھان ءِ تک ءَ دل یکیمی ءِ برجا بوھگ ءَ اِنت، معیشت نوں برآمد ءِ سروکی ءَ بنجاہی دیمروئی ءِ نیمگ ءَ روگ ءَ اِنت، درملکی سرمایہ کار ءُ ملک ءَ را پائیدار دراجیں مدتی دیمروئی ءِ راہ ءَ رھادگ بوتگ۔ آئی ءَ اے ھیال درشان کتگ اَنت (یک سرجمیں گلگدارے  ءِ تہ ءَ کہ لھتیں ھپتگ پیسر کنگ بوتگ ءُ نوں نامداریں میان اُستمانی روتاک یو ایس اے ٹوڈے ءِ نیمگ ءَ چاپ بوتگیں 16 تاکدیمی ھاسیں تاک ”پاکستان ءِ ھاسیں رپورٹ“ ءَ شنگ بوتگ)۔ رپورٹ ءِ تہا پاکستان ءِ معیشت، سرمایہ کاری ءِ نوکیں موہ ءُ کلیدی پالیسی ءِ رھبندانی بابت ءَ سرجمیں تجزیہ ءُ ماہرین ءِ رائے ھوار انت۔ سینئر محمد اورنگزیب ءَ گوشت کہ پاکستان ءَ مالی سال 2025 ءِ بندات گوں جوانیں اقتصادی بنیات ءَ کتگ، ایشی ءِ تہ ءَ سرجمیں اقتصادی برجائی، درائیں اکاؤنٹس آنی تہ ءَ گہتری، ءُ ڈھانچہ ءِ گہتری آنی واستہ مھکمیں جزم ھوار اِنت۔ آئی ءَ گوشت کہ سال آنی تہ ءَ اولی رند ءَ پاکستان ءَ پرائمری بجٹ سرپلس ءُ کرنٹ اکاؤنٹ سرپلس حاصل کتگ، اے برجاھیں خسارہ آنی چکر ءَ چہ درکپگ ءِ پدریں نشانی اِنت۔ حوالہ جات ءِ تہ ءَ مزنیں گیشی اے گہتری ءِ مستریں سبب بوتگ وھدے کہ افراط زر 38درسد ءِ مزنیں کچ ءَ چہ یک ہندسہ ءَ اتکگ۔ زرّ ءِ ذخیرہ 14.5 ارب ڈالر ءَ چہ گیش بوتگ کہ ایشی ءَ چہ درآمدات ءِ احاطہ کنگ ءِ ھاتر ءَ نزیک ءَ دو ءُ نیم ماہ ممکن بوتگ ءُ زرّ ءِ شرح ءِ برجائی ءَ سرمایہ کار آنی دل یکیمی برجا کتگ۔ وزیر خزانہ ءَ اے گپ ءِ پدر کنگ ءَ گوشت کہ اگاں چہ اقتصادی برجائی المی اِنت بلے پائیدار دیمروئی اصل چیلنج اِنت۔ آئی ءَ گوشت کہ گوستگیں مالی سال ءِ تہ ءَ 2.7درسد اقتصادی دیمروئی یقینی رنگ ءَ جوان اِنت بلے ترندی ءَ گوں گیش بوھوکیں آبادی ءِ ضلورت آناں پیلو کنگ ءِ واستہ ناکافی اِنت۔ آئی ءَ گوشت کہ گوستگیں تجربگ آناں ھیال داری ءَ گوں حکومت کھپت ءُ قرضہ ءِ سر ءَ بنیات ءِ سر ءَ دیمروئی ءِ ماڈل ءَ چہ دور برآمد ءِ سر ءَ مبنی حکمت عملی ءِ گچین کنگ ءَ اِنت۔ انوگیں بجٹ ءِ تہ ءَ ٹیکس گہتری، توانائی ءِ شوبگ ءِ لوٹ ءِ تہ ءَ گہتری، سرکاری ادارگ آنی تہ ءَ گہتری ءُ ٹیرف ءِ گہتری ھوار اَنت کہ ایشی ءِ مول ءُ مراد دہائی آنی کوھنیں تحفظ پسندی ءِ نظام ءَ را ھلاس کنگ ءُ جھان ءِ مقابلہ ءِ تہ ءَ گیشی اِنت۔ سر محمد اورنگزیب ءَ گوشت کہ پاکستان وتی اقتصادی حکمت عملی ءَ را جھان ءِ لوٹ ءِ تہ ءَ بدلی آنی گوما ھمگرنچ کنگ ءَ اِنت، ایشی ءِ تہ ءَ آئی ٹی سروسز، ٹیکسٹائل ءُ کشت ءُ کشاری برآمدات نامداریں شوبگ اَنت۔ آئی ءَ گوشت کہ آئی ٹی ءِ برآمدات چار ارب ڈالر ءَ چہ گیش بوتگ ءُ آیوکیں پنچ سال آنی تہ ءَ جوانیں پالیشی ءِ تسلسل ءِ گوما دو گناہ بوت کنت۔ برآمد کنوک آنی واستہ کسٹم ءِ نظام ءَ را آسان کنگ ءُ انتظامی رکاوٹ آناں کم کنگ ءِ واستہ ھم گامگیج زورگ بوھگ ءَ انت۔ آئی ءَ گوشت کہ سرکاری ادارگ آناں نجکاری، توان ءِ شوبگ ءِ نوکیں رنگ ءَ جوڑ کنگ ءُ ٹیرف لبرل کنگ ءِ مول ءُ مراد ھما جہلیں نزوری آناں گیواری کنگ اِنت کہ گوستگیں وھد ءَ راجی خزانہ ءِ سر ءَ بار بوتگ اَنت۔ اے گہتری ورلڈ بینک ءِ وژن ءِ رد ءَ انت کہ آئی ءَ پاکستان ءِ ھاتر ءَ یک ممکنہ ”مشرقی چم ءِ ساھت“ ءِ نام داتگ۔ وزیر خزانہ ءَ ورلڈ بینک ءِ گوما دہ سالی ملکی شریکداری فریم ورک ءِ ھم حوالہ دات کہ ایشی ءِ تہ ءَ اقتصادی گہتری ءِ ھوار چاگردی بدلی ءُ آبادی ءِ جیڈھ آنی سر ءَ دلگوشی دیگ بیت۔ آئی ءَ اے گپ ءِ سر ءَ زور پر دات کہ پاکستان ءِ آیوکیں وھد ایوک ءَ مالی اشاریہ آنی سر ءَ نہ بلکیں ترندیں آبادی ءِ گیشی، موسمی بدلی، زھگانی نادراھی، وانگ ءُ زانگ ءِ پدمنتگی ءُ زھگ آنی وانگ ءُ زانگ ءِ تہ ءَ ھوار کنگ ءِ جیڈھ آنی گیواری ءِ سر ءَ ھم بندوک اِنت کہ ایشی ءَ چہ ایوک ءَ چاگردی لوٹ نہ اَنت بلکیں اقتصادی دیمروئی ءِ واستہ ھم ناگزیر اَنت۔ موسمیاتی رکھینگ ءِ ھوالگ ءَ آئی ءَ سیلاب ءُ ھشک سالی ءِ وڑیں ھترہ آں گوں گر ءُ چیل بوھگ ءِ واستہ گلوبل پارٹنر آنی گوما کمک ءِ سر ءَ زور پر دات۔ وزیر خزانہ ءَ جہانی تک ءَ سامان آنی نرخ آنی تہ ءَ رد ءُ بند، درملکی قرض آنی دباؤ ءُ مغرب ءِ سیاسی جاور ھال آنی وڑیں رسک آناں منگ ءَ گوشت کہ حکومت ہر وڑ ءَ گہتری ءِ سفر ءَ را برجاہ دار ایت، نظم و ضبط، پالیسی ءِ تسلسل ءُ جہانی کمک ءَ چہ اقتصادی گہتری ءِ سبب جوڑ بیت۔ سرمایہ کار آنی واستہ موہ آنی ذکر کنان ءَ سینیٹر  محمد اورنگزیب ءَ کشت ءُ کشاری، معدنیات ءُ اشکر ءِ چات  ءَ کار کنگ ءُ ڈیٹا اکانومی ءَ را اسٹریٹجک شوبگ لیک اتگ۔ آئی ءَ بلوچستان ءَ جھان ءِ تک ءَ ٹیتھیان کاپر بیلٹ ءِ گیش بوھوکیں ارزشت ، کشت ءُ کشاری شوبگ ءِ مزنیں توانائی ءُ ڈیٹا سنٹر ، مصنوعی ذہانت ءُ ڈیٹا سروسز ءِ دیمروئی ءِ سر ءَ دلگوش گور کت۔ آئی ءَ گوشت کہ نوکیں ٹیکنالوجی پاکستان ءِ واستہ یک مزنیں بدلی یے ثابت بوت کنت ءُ ھمے مول ءُ مراد ءِ چیر دستی ءَ نوکیں لیکہ آنی سر ءَ ریگولیٹری فریم ورک جوڑ کنگ بوھگ ءَ انت ھاسیں رنگ ءَ درملکی سرمایہ کاری ءَ را دلبڈی دیگ بوھگ ءَ انت۔ ھزانگ ءِ وزیر ءَ میاں اوستمانی براتی ءَ را ھاسیں کلوہ دات ءُ گوشت کہ پاکستان بیپاری، سرمایہ کاری ءُ شریکداری ءِ واستہ تیار اِنت۔ آئی ءَ گوشت کہ پاکستان بحران آنی چکر ءَ چہ دراتکگ ءُ موہ ءُ مٹ ءُ بدل آنی سفر ءَ داخل بوتگ ءُ پائیدار دیمروئی ءِ کش ءُ گور ءَ اوشتاتگیں اے معیشت ءَ را بھر زوری ءِ واھشت مندیں مردم ءُ ادارگ آنی واستہ وشیں آسراتی است انت۔