مزن وزیر شہباز شریف ءَ سیادی داروکیں وزارت ءُ صوبہ آں گوں شور ءُ سلاہ ءَ ٹوھیں  راجی ھاٹیگ ءِ  منصوبہ ءِ جوڑ کنگ ءِ واستہ جتاھیں سیکرٹریٹ ءِ جوڑ کنگ ءِ منظوری

اسلام آباد۔24دسمبر  (اے پی پی): مزن وزیر محمد شہباز شریف ءَ سیادی داروکیں وزارت ءُ صوبہ آں گوں شور ءُ سلاھ ءَ جامع راجی توانائی منصوبگ ءِ جوڑ کنگ ءِ واستہ جتاھیں سیکرٹریٹ جوڑ کنگ ءِ منظوری داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ نیشنل انرجی پلان ءُ ایندگر گہتری ءِ ھوالگ ءَ کابینہ کمیٹی برائے توانائی ءِ سپارش آنی سر ءَ مزن وزیر محمد شہباز شریف ءِ سروکی ءَ چار ءُ تپاسی دیوان برجم دارگ بوت۔ مزن وزیر ءَ توامیں سیادی داروکیں وزارت ءُ صوبائی حکومت آنی گوما شور ءُ سلاھ ءَ سرجمیں راجی توانائی منصوبگ ءِ جوڑیشت ءِ واستہ اصولی منظوری داتگ۔ ایشی ءَ ابید دیوان ءَ وہیلنگ چارجز ءِ نیلامی ءِ واستہ فریم ورک گائیڈ لائنز ءِ ھم منظوری داتگ۔ گند ءُ نند ءِ ساھت ءَ مزن وزیر ءَ سرجمیں ملک ءَ بجلی ءِ ٹرانسمیشن سسٹم ءِ گہتری ءِ سر ءَ تران کت ءُ ادارگ آنی نجکاری ءِ عمل ءَ را جوانیں رنگ ءَ سرجم کنگ ءِ واستہ ھاسیں پنت ءُ شون آنی دیمروئی ءِ بابت ءَ ھم ھیال ریچی کت۔ گند ءُ نند ءَ وفاقی وزیر ءِ منصوبہ بندی ءُ دیمروئی احسن اقبال، وفاقی وزیر توانائی سردار اویس احمد خان لغاری، وفاقی وزیر پٹرولیم علی پرویز ملک، وفاقی وزیر اقتصادی امور احد خان چیمہ،  صوبہ آنی چیف سیکرٹری ءُ ایندگر سیادی داروکیں سرکاری  کارندہ   ھم  شریک بوتگ اَنت۔