پاکستانی اُرد ءِ دلیری ءُ بہادری ءُ مہلوک ءِ جوش ءُ جزبگ ءَ ہندوستان ءَ را یک انچیں سبقے دات کہ آئی ءَ را مدام یات بیت،  شپ ءُ روچ محنت ءَ گوں پاکستان دنیا ءِ مستریں ملک جوڑ کنگ بیت،  لیپ ٹاپ ءِ بہر کنگ ءِ مراگش ءَ مزن وزیر شہباز شریف ءِ گشتانک

مظفر آباد۔24دسمبر  (اے پی پی): مزن وزیر محمد شہباز شریف ءَ گوشت کہ پاکستانی اُرد ءِ ھمت ءُ بہادری ءُ الس ءِ جوش ءُ جزبگ ءَ ھندوستان ءَ را یک انچیں سبقے داتگ کہ آئی ءَ را مدام یات بیت۔ آ روچ دور نہ انت کہ مقبوضہ کشمیر ءِ مہلوک ءَ ہندوستان ءَ چہ آجوئی رسیت۔ وہد اتکگ قائداعظم ءُ علامہ اقبال ءِ وابانی سرجم کنگ ءِ۔ آ پاکستان ءَ دنیا ءِ مستریں ملک جوڑ کن انت۔ پاکستان ایجوکیشن اینڈومنٹ فنڈ ءِ بندات کنگ ءَ چہ آ نودربر آناں نہ ایوک ءَ اندری بلکینگ ءَ درملک ءَ ہائیر ایجوکیشن ءِ واستہ ھم اسکالرشپ ءِ کمک ءَ کن اَنت۔ اے ھیالانی درشانی آئی ءَ مظفر آباد ءَ یونیورسٹی آف آزاد جموں ءُ کشمیر ءِ موہ ءَ سرجمیں داد ءِ بھر ءُ بانگ ءِ مراگش ءَ گشتانک دیان ءَ کت۔ مراگش ءَ آزاد کشمیر ءِ مزن وزیر فاصل ممتاز راٹھور، وفاقی وزیر عطا اللہ تارڑ، احسن اقبال، عمرال مقام، پیسریگیں مزن وزیر رانا ثنا اللہ، چیئرمین مزن وزیر یوتھ پروگرام رانا مشہود احمد خان، یونیورسٹی ءِ وائس چانسلر نصیر جزہود ہنڈز ءِ نودربراں بہر زرتگ ات۔ مزن وزیر ءَ گوشت کہ آزات کشمیر ءِ الس آں پاکستان ءِ دیمروئی، وشھالی ءُ مزنی ءِ واستہ قربانی داتگ ءُ کشمیر بَنے گا پاکستان ءِ نعرہ ءَ وتی شعار جوڑ کتگ۔ آئی ءَ گوشت کہ مئی ءَ گوں بھارت ءَ بوتگیں جنگ ءَ پاکستانی سلاہ بندیں اُرد ءِ دلیری ءُ بہادری ءُ الس ءِ جوش ءُ جزبگ ءَ بھارت ءَ را یک انچیں سبقے داتگ کہ آئی ءَ را دائم ءَ یات بیت۔ مزن وزیر ءَ گوشت کہ روچ ءُ شپ محنت ءِ سبب ءَ پاکستان نہ ایوک ءَ دیمروئی کنت بلکینگ ءَ دگنیا ءِ مزنیں ملک جوڑ بیت۔ آئی ءَ گوشت کہ مرچی ھما نودربراں کہ میرات ءِ سر ءَ لیپ ٹاپ رستگ آھاں وتی پت ءُ مات ءُ استاد آنی شریں عزت ءُ شرپ داتگ ءُ آھانی سر ءَ باور کتگ ۔ اے لیپ ٹاپ ایوک ءَ ماموریت نہ اِنت بلکیں ہائیر ایجوکیشن ءِ رسگ ءُ شرپداریں زند ءِ گوازینگ ءِ وسیلہ اِنت۔ مزن وزیر ءَ گوشت کہ لیپ ٹاپ اسکیم ءِ سر ءَ ایراد گرگ بوتگ کہ اے رشوت اِنت بلے اے گپ ثابت بوتگ کہ اے رشوت نہ اِنت بلکینگ ءَ ورنا آناں پاد آنی سر ءَ ایر کنگ ءِ وسیلہ اِنت۔ پاکستان ءِ مزن وزیر نواز شریف ءُ من پنجاب ءِ سر وزیر ءَ اے پروگرام بندات کتگ ات ءُ تاں روچ ء مرچی یک لیپ ٹاپے ہم ہچ وڑیں سپارش ءِ سرا نہ داتگ۔ اے لیپ ٹاپ ھما نودربراں بھر کنگ بوتگ اَنت کہ آیاں ایوک ءَ میرات ءِ سر ءَ محنت ءُ جوانیں کارکردگی پیش داشتگ۔ مزن وزیر ءَ گوشت کہ آزات کشمیر ءَ وفاق ھما چار ڈنی اسکول جوڑ کنگ ءَ انت آ مزنیں تیزی ءَ گوں دیمروئی ءِ نیمگ ءَ جنزگ ءَ انت۔ آئی ءَ گوشت کہ دمگ ءِ مسلمان آنی قربانی، قائداعظم ءِ بے مٹیں جزم ءُ لاکھوں مردم آنی ہجرت ءِ وھد ءَ کتگیں قربانی آنی سبب ءَ پاکستان وجود ءَ اتکگ ایشاں وتی مال ءُ مڈی ءُ واب نوکیں وطن ءَ گوں بندوک کتگ ات۔ وہد اتکگ قائداعظم ءُ علامہ اقبال ءِ وابانی سرجم کنگ ءِ۔ ما پاکستان ءَ شپ ءُ روچ گوں محنت ءُ محنت ءَ یک مزنیں ملکے جوڑ کنیں ءُ آ روچ دور نہ انت کہ مقبوضہ کشمیر ءِ مئے برات ءُ گہار کہ ہندوستان ءِ زلم ءُ زوراکی ءِ چیر ءَ گران تریں زند گوازینگ ءَ انت آ چہ ہندوستان ءَ آجوئی حاصل کن انت۔ مزن وزیر ءَ آزات کشمیری نیشنل ڈنش ٹرسٹ ءِ جوڑ کنگ ءِ ھم جار جت ءُ گوشت کہ ڈن ءِ اسکولاں چہ گریجویشن کنوکیں نودربر نہ ایوک ءَ انجینئر ءُ ڈاکٹر جوڑ بوھگ ءَ ملک ءِ ھزمت ءَ کنگ ءَ اَنت بلکینگ ءَ درملک ءَ ہائیر ایجوکیشن کنگ ءَ اَنت۔ مزن وزیر ءَ زوت پاکستان ایجوکیشن اینڈومنٹ فنڈ ءِ بنگیج ءِ جار ھم جت ءُ گوشت کہ ایشی ءِ وسیلگ ءَ ہائیر ایجوکیشن ءِ واستہ اسکالرشپ ھم دیئگ بیت۔ مزن وزیر ءَ گوشت کہ ورنا آناں نوکیں وانگ ءُ زانگ ءُ ٹیکنالوجی ءَ چہ لیکگ اولی ترجی اِنت۔ مزن وزیر ءَ اے موہ ءِ سر ءَ باصلاحیتیں نودربر آنی نیام ءَ لیپ ٹاپ بھر ءُ بانگ کت۔ آزاد جموں ءُ کشمیر ءِ مزن وزیر سردار فصلہ ممتاز راٹھور ءَ اے موہ ءِ سر ءَ گشتانک دیان ءَ گوشت کہ مرچی ءِ مزن نامیں مراگش ءِ مستریں مہمان مئے باصلاحیت ءُ توانمندیں زھگ اَنت، لیپ ٹاپ مئے ورنائیں نسل ءِ واستہ رابطہ کاری ءِ وسیلہ اِنت، مزن وزیر شہباز شریف ورنا آنی  زانت ءُ زانشت ءِ ھوالگ ءَ ھاسیں دلگوشی دیگ ءَ اِنت۔  آئی ءَ گوشت کہ پاکستان کشمیری آنی دل آنی تہ ءَ نندوک اِنت، ما ورناھیں نسل ءَ را استیں دور ءِ لوٹ آنی گوما ھمگرنچ کنگ ءِ واستہ جزمیگ آں، پاکستان ءِ واستہ مہر ءِ مزنیں بند وھد ءِ گوما گیش مھکم بوھگ ءَ اِنت۔ کشمیر امور ءِ وفاقی وزیر ءُ گلگت بلتستان ءِ انجینئر امرش مقام ءَ گوشت کہ مزن وزیر ءِ سروکی ءَ پاکستان ءَ سفارتی، دفاعی ءُ اقتصادی محاذ آنی سر ءَ بے دروریں سوبمندی رستگ۔ مزن وزیر ءِ ورنا پروگرام ءِ چیئرمین رانا مشہود احمد خان ءَ مراگش ءَ گوں گشتانک دیان ءَ گوشت کہ میرٹ ءِ رد ءَ ورنا آناں آسراتی پجاری حکومت ءِ اولی کار اِنت۔ مزن وزیر ءِ سروکی ءَ ما سرجمیں ملک ءَ ورنا آناں وانگ ءُ زانگ ءِ آسراتی پجاری کنگ ءَ آں۔ مزن وزیر ءِ وژن ءِ رژنائی ءَ ما ورنا آناں ھرچ وڑیں آسراتی پجاری ءِ واستہ جزم آں ۔ مراگش ءَ بہر زرتگیں گچینیں نودربراں کہ آہاں دو سال پیسر لاپا ٹاپ رستگ ات، آہاں لاپا ٹاپ ءِ کمک ءَ وتی وانگ ءُ زانگ ءِ سوبمندی ءِ بابت ءَ وتی وشحالی ءِ درشانی کتگ ءُ گشتگ کہ لاپا ٹاپ ءِ منت ءَ آہاں جوانیں وانگ ءُ زانگ ءِ کارکردگی ءِ درشان کنگ ءِ موہ رستگ۔ ھاسیں نودربر افشین زاہد ءَ مزن وزیر ءِ ھاسیں منت واری درشان کت ءُ گوشت کہ لپا ٹاپ ءِ برکت ءَ آ وتی وانگ ءَ دیما برگ ءِ موہ رستگ۔