بنجائی وزیر ڈٹ بندی و شونداری ءِ یوای ٹی ٹی بڑزکو تعلیم، پٹ وپول و جدت نا مون آ دننگ نا بابت اہم ڈٹ آتیا حوال تننگا

لاہور۔ 24 دسمبر (اے پی پی) بنجائی وزیر ڈٹ بندی و شونداری پروفیسر احسن اقبال نا کماشی ٹی دیوان وائس چانسلر ڈاکٹر شاہد منیر یوای ٹی ٹی بڑزکو تعلیم، پٹ وپول و جدت نا مون  آ دننگ نا بابت اہم ڈٹ آتیا سرجمی اٹ حوال تس۔ گپ وتران اٹی وائس چانسلر یوای ٹی ٹی انوویشن سینٹر و انوویشن پارک انا جوڑ کننگ، نیشنل سینٹر فار کوانٹم کمپیوٹنگ نا بناء، یوای ٹی نا طالب علم آتیکن پوسکن آ ہاسٹل آتا تفنگ، پاکستان نا پنچ بھلا یوای ٹی تیٹی پوسکن آ ازباب آتا فراوانی نا ڈٹ آتے پیش کرے۔ داکان بیدس یوای ٹی نیوز کیمپس کالا شاہ کاکوٹی پوسکن اکیڈمک بلاک و نارووال کیمپس اٹی فیکلٹی ریزیڈنس آتا تفنگ نا بابت سلاہ ئی ڈٹ آتیا ہم بنجائی وزیر ءِ معلومدار کننگا۔ بنجائی وزیر یوای ٹی نا دا شونداری و پٹ وپولی ڈٹ آتا ستاءِ کرسا بڑزکو تعلیم، پوسکن ٹیکنالوجی و پٹ وپول نا مون آ دننگ کن حکومت نا پورو کمکاری نا باوری کرفے و پارے کہ دا وڑنا ڈٹ ملکی زرگزران، صنعت و انسانی وسیلہ غاتا گچینی ٹی اہم کڑد اس ادا کیک۔ داوخت آ کیمپس کوآرڈینیٹر نارووال کیمپس ڈاکٹر شہباز ، ڈائریکٹر پی اینڈ ڈی، رجسٹرار محمد آصف ، فیکلٹی ممبران و ایلو انتظامی آفیسر آک ہم ساڑی ئسر۔