اسلام آباد۔ 24 دسمبر (اے پی پی) بنجائی وزیر پیٹرولیم علی پرویز ملک حکومت و پیٹرولیم ڈویژن نا کنڈآن مسیحی برادری ءِ کرسمس نا مبارکبادی ترساپارینے کہ پیٹرولیم نا بشخ اتون وابستہ مسیحی بندغ آک قومی افرادی قوت نا اہم بشخ ءُ، حقی شونداری بیرہ جامع شونداری نا کمک اٹ ہی ممکن ءِ ہراڑے راج انا ہرتپہ ءِ بریبر اہمیت تننگے، مذہب نا بنداو آ ہروڑنا امتیاز ءِ منپنہ۔ داخیال …
پیٹرولیم نا بشخ اتون وابستہ مسیحی بندغ آک قومی افرادی قوت نا اہم بشخ ءُ ، بنجائی وزیر پیٹرولیم علی پرویز ملک نا مسیحی برادری ءِ کرسمس آ مبارکباد
اسلام آباد۔ 24 دسمبر (اے پی پی) بنجائی وزیر پیٹرولیم علی پرویز ملک حکومت و پیٹرولیم ڈویژن نا کنڈآن مسیحی برادری ءِ کرسمس نا مبارکبادی ترساپارینے کہ پیٹرولیم نا بشخ اتون وابستہ مسیحی بندغ آک قومی افرادی قوت نا اہم بشخ ءُ، حقی شونداری بیرہ جامع شونداری نا کمک اٹ ہی ممکن ءِ ہراڑے راج انا ہرتپہ ءِ بریبر اہمیت تننگے، مذہب نا بنداو آ ہروڑنا امتیاز ءِ منپنہ۔ داخیال آتا درشانی ءِ او چارشنبے نادے آ کرسمس نا دود آتیٹی بطور مہمان خاص بشخ ہلسا کرے۔ داوخت آ بنجائی وزیر حکومت نا شونداری و بین المذاہب ہم گرنچی نا پکا عزم انا درشانی ءِ کرے۔ آئل اینڈ گیس ڈویلپمنٹ کمپنی لمیٹڈ (او جی ڈی سی ایل ) نا کنڈآن کرسمس نا بابت اسہ خصوصی دود اس اڈتننگا ہراٹی پیٹرولیم ڈویژن، اوجی ڈی سی ایل، پاکستان پیٹرولیم لمیٹڈ (پی پی ایل)، گورنمنٹ ہولڈنگز(پرائیویٹ ) لمیٹڈ (جی ایچ پی ایل) و پاکستان ایل این جی لمیٹڈ (پی ایل ایل) نا مسیحی ملازم آک بشخ ہلکر۔ دود آن تران کرسا بنجائی وزیرملک انا خذمت اٹی دے ونن لگوک افرادی قوت نا خواری ولگن نا ستاءِ کرے۔ اوپارے کہ پیٹرولیم نا بشخ اتون وابستہ مسیحی باسک آک قومی افرادی قوت نا اہم بشخ ءُ و داوڑنا دود قومی یکجہتی، تین پہ تینی شرف و ہم گرنچی نا ڈیک ءِ۔ اوحکومتِ پاکستان و پیٹرولیم ڈویژن نا کنڈآن مسیحی برادری ءِ کرسمس نا مبارکبادی تس۔
