وزیر دیمپانی خواجہ محمد آصف ءَ سری لنکا ءِ ہائی کمشنر ریئر ایڈمرل (ر)  فری سینی ویراتنے ءَ گوں گند ءُ نند

اسلام آباد۔23دسمبر  (اے پی پی): وزیر دیمپانی خواجہ محمد آصف ءَ سری لنکا ءِ ہائی کمشنر ریئر ایڈمرل فری سینی ویراتنے ءَ گوں گند ءُ نند کتگ۔ پاکستان ءُ سری لنکا ءِ نیام ءَ دیریں دوستی ءَ را ساڑات ءُ وفاقی وزیر ءَ گوشت کہ ھاسیں جیڈھ ءُ دمگی رد ءَ دوئیں ملک آناں کثیر جہتی سیادی ءِ جوانیں رپک ءَ چہ پائدگ چست کنان ءَ سیادی ءَ را گیش مھکم کنگ ءِ ضلورت اِنت۔ وزیر دیمپانی ءَ اے گپ ءِ سر ءَ زور پر دات کہ پاکستان سری لنکا ءَ را یک ھاسیں دمگی ملک لیک ایت کہ دمگی ءُ جھان ءِ امن ءِ واستہ ھاسیں کرد پیلو کنگ ءَ اِنت ءُ پاکستان سری لنکا ءِ علاقائی یکوئی ءُ وت واجہی ءِ احترام ءُ کمک ءَ کنت۔ سری لنکا ءِ ہائی کمشنر ءَ پاکستان حکومت ءِ نیمگ ءَ گوستگیں وھد ءِ سر ءَ انسانی کمک ءُ کمک ءِ سر ءَ دل ءِ تہ ءَ چہ منت واری ءِ درشان کت۔ پُرمڈائیں مہمان ءَ ناشرکاری ءِ ھلاپ ءَ جنگ ءِ ھوالگ ءَ سوبمندی ءِ منگ ءُ پاکستان ءِ سلاہ بندیں اُرد ءِ پیشہ وارانہ رنگ ءَ ساڑاتگ۔ فریق آں دوئیں ملک آنی نیام ءَ برجاھیں کمک ءُ وت مہ وتی سیت پائدگ ءِ شوبگ آنی تہ ءَ کمک ءَ را گیش مھکم کنگ ءِ جزم ءِ سر ءَ دل یکیمی ءِ درشان کت۔