نائب مزن وزیر ءُ دری کارانی وزیر سینیٹر  محمد اسحاق ڈار ءَ نجکاری ءِ بابت ءَ کابینہ کمیٹی ءِ دیوان ءِ سروکی کت، سیادی داروکیں کارندہ آں نجکاری ءِ کار  ءِ بابت ءَ سرجمیں بریفنگ

اسلام آباد۔23دسمبر  (اے پی پی): نائب مزن وزیر ءُ دری کارانی وزیر سینیٹر  محمد اسحاق ڈار ءِ سروکی ءَ کابینہ ءِ نجکاری کمیٹی ءِ دیوان برجم دارگ بوت ایشی ءِ تہ ءَ نجکاری کمیشن ءُ وزارت نجکاری ءَ پاکستان ءَ نجکاری ءِ بابت ءَ کمیٹی ءَ را سرجمیں بریفنگ دات۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ نجکاری کمیشن ءُ نجکاری ءِ وزارت ءَ کمیٹی ءَ را پاکستان ءَ نجکاری ءِ عمل ءِ ھوالگ ءَ سرجمیں بریفنگ داتگ۔ دیوان ءَ نجکاری کمیشن ءِ نیمگ ءَ چہ کتگیں درستیں گامگیج آنی سر ءَ چار ءُ تپاسی کنگ بوتگ، سفارشات آنی سر ءَ جوانیں رنگ ءَ پٹ ءُ پول کنگ بوتگ ءُ اے گپ ءِ سر ءَ زور پر دیگ بوتگ کہ حکومت ءِ نیمگ ءَ جوڑ کتگیں پالیسی، رھبند ءُ کارروائی آنی سر ءَ سک باز عمل کنگ بہ بیت ءُ نجکاری ءِ عمل ءَ جوانیں میاں اوستمانی رھبند آنی سر ءَ عمل کنگ بہ بیت۔ نائب مزن وزیر ءَ ہدایت کت کہ نجکاری ءَ گوں سیادی داروکیں توامیں معاملہ کانود ءِ رد ءَ کنگ بہ بنت ءُ عمل ءِ توامیں بہر زوروکاں یک وڑیں موہ پجاری ءُ دلبڈی دیگ بہ بیت۔ گند ءُ نند ءِ تہ ءَ ھزانگ، توانائی ءُ تجارت ءِ وزیر، مزن وزیر ءِ نجکاری، صنعت ءُ بجلی ءِ ڈائریکٹر ءُ ھزانگ ءِ باروا مزن وزیر ءِ ھاسیں کمکار ءُ طارق باجوہ ءَ بھر زوری کت۔ کابینہ ءِ وفاقی سیکرٹری، نجکاری، منصوبہ بندی، تجارت، دیمپان، قانون ءُ توانائی ءُ نجکاری کمیشن ءِ کارندہ ہم دیوان ءَ بہر زرتگ اتنت۔