صدر آصف علی زرداری ءَ نجف ءَ حضرت علی رضی الّلہ عنہ  ءِ مزار پاک ءِ تر ءُ تاب کت ءُ پاتیہ  ءِ تلاوت کت ءُ مسلمان امت ءِ امن ءُ ایمنی ءِ واستہ دعا کت

اسلام آباد۔23دسمبر  (اے پی پی): صدر آصف علی زرداری ءَ نجف ءَ حضرت علی رضی الّلہ عنہ  ءِ مزار ءِ تر ءُ تاب کتگ ءُ پاتیہ  ءِ تلاوت کتگ ءُ مسلمان امت ءِ امن ءُ ایمنی ءِ واستہ دعا کتگ۔ سئے شمبے ءِ روچ ءَ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ کوفہ مسجد ءَ رضاکارانہ نماز وانگ ءُ حضرت علی رضی الّلہ عنہ ءِ نام ءَ گوں پجار بوتگیں جاہ ءُ ھند آنی  تر ءُ تاب کتگ۔ صدر ءِ مملکت ءَ نجف ءُ  کوفہ ءَ مسلمان امت ءِ امن ءُ  ایمان ءِ واستہ دعا کتگ۔ صدر ءِ مملکت ءَ انتظامی کنوک  ءُ گشتانک کار آں  گوں ھم گند ءُ نند کتگ۔ نجف ءِ گورنر ءُ دگہ مزنیں کارندہ ھم اے دیواناں ھوار بوتگ اَنت۔