اسلام آباد۔23دسمبر (اے پی پی): مزن وزیر محمد شہباز شریف ءَ یک رندے پدا سیاسی گلانی گوما گپ ءُ تران ءِ ضلورت ءِ سر ءَ زور پر داتگ ءُ گوشتگ کہ پاکستان ءِ دیمروئی ءُ وشھالی ءِ واستہ سیاسی گلانی نیام ءَ ھمگرنچی المی اِنت بلے سول ءُ تران ءِ نام ءَ بلیک میلنگ اچ منگ نہ بیت۔ ساپ ءُ سلہ ئی ءَ را ھیال ءَ دارگ ءَ پی آئی …
پاکستان ءِ دیمروئی ءُ وشھالی ءِ واستہ سیاسی گلانی نیام ءَ ھمگرنچی المی اِنت، مزن وزیر شہباز شریف ءَ پی آئی اے ءِ ساپ ءُ سلہ ایں نجکاری ءِ واستہ یک شلیں بولی ءِ عمل ءِ برجم دارگ ءِ پیسلہ کتگ
اسلام آباد۔23دسمبر (اے پی پی): مزن وزیر محمد شہباز شریف ءَ یک رندے پدا سیاسی گلانی گوما گپ ءُ تران ءِ ضلورت ءِ سر ءَ زور پر داتگ ءُ گوشتگ کہ پاکستان ءِ دیمروئی ءُ وشھالی ءِ واستہ سیاسی گلانی نیام ءَ ھمگرنچی المی اِنت بلے سول ءُ تران ءِ نام ءَ بلیک میلنگ اچ منگ نہ بیت۔ ساپ ءُ سلہ ئی ءَ را ھیال ءَ دارگ ءَ پی آئی اے ءِ نجکاری ءِ واستہ یک شلیں بولی ءِ عمل ءِ برجم دارگ ءِ پیسلہ کنگ بوتگ۔ سئے شمبے ءِ روچ ءَ وفاقی کابینہ ءِ دیوان ءِ ساھت ءَ وتی بنداتی گشتانک ءَ مزن وزیر ءَ انڈر 19 اسٹیٹ کپ ءِ تہ ءَ راجی کرکٹ ٹیم ءِ جوانیں کارکردگی ءَ را ساڑات ءُ ٹیم ءَ را کامیابی ءِ سر ءَ مبارک بات دات۔ مزن وزیر ءَ وفاقی کابینہ ءَ گوشت کہ مرچی پی آئی اے ءِ نجکاری ءِ روچ اِنت، بولی ءِ عمل ءَ را شفاف کنگ ءِ واستہ کار کنگ بوتگ ءُ اے عمل ءَ را یک شلیں شنگ کنگ ءِ وھد اتکگ۔ حکومت دیم ءَ اتکگیں چیلنج آنی گوما گر ءُ چیل بوھگ ءِ واستہ دلگوشی ءَ گوں کار کنگ ءَ اِنت۔ نائب مزن وزیر، وزیر دیمپان ءُ وزیر خزانہ ءَ نجکاری ءِ واستہ جوانیں کوشست کتگ۔ پی آئی اے ءِ نجکاری ءِ واستہ ھمگرنچیں واکدار ءُ کابینہ ءِ باسکاں ھم دلگوشی ءَ گوں کار کتگ۔ مزن وزیر ءَ گوشت کہ بولی ءِ عمل ءَ را مہر بندیں لفافہ آنی تہ ءَ لائیو پیش کنگ بوھگ ءَ انت۔ مزن وزیر ءَ گوشت کہ ملک ءِ راجدپتر ءِ تہ ءَ مزنیں نجکاری بوھگ ءَ انت، اے جیڈھ ءِ سر ءَ وفاقی کابینہ ءَ ھمک مردم ءِ ھیال لوٹگ بیت۔ مزن وزیر ءَ فیلڈ مارشل سدا عاصم منارینکو ءَ را سعودی عرب ءِ مستریں داد ”بادشاہ عبدالعزیز ایوارڈ“ ءِ دیئگ ءِ سر ءَ مبارک بات دات ءُ گوشت کہ اے داد ایوک ءَ آئی ءِ واستہ نہ اِنت بلکیں سرجمیں راج ءِ واستہ ھم شرپ اِنت۔ تحریک انصاف ءِ مذاکرات ءِ گپ ءِ سر ءَ نا وشی ءِ درشان کنان ءَ مزن وزیر ءَ گوشت کہ آئی ءَ تحریک انصاف ءَ را اسمبلی ءِ تہ ءَ چہ ھم گپ ءُ تران ءِ واستہ دعوت داتگ۔ اگاں سوب مند بوت گڈا سرکار ہم گپ ءُ تران ءِ واستہ تیار انت۔ پاکستان ءِ دیمروئی ءُ وشھالی ءِ واستہ سیاسی گلانی نیام ءَ گپ ءُ تران ءُ ھمگرنچی المی انت بلے گپ ءُ تران ءِ آڑ ءَ ھچ رنگیں دست ءُ دپ مہ بیت۔ ملک دیم ءَ بہ روت ءُ سرکار پہ ایشی ءَ ھر گام ءَ تیار اِنت۔
