اسلام آباد۔23دسمبر (اے پی پی): مزن وزیر محمد شہباز شریف ءَ کرک ءَ پولیس ءِ گاڑی ءِ سر ءَ تیرگواری ءِ سک باز مذمت کتگ ءُ وئیل ءَ پولیس ءِ 5 کارندہ شہید بوھگ ءِ سر ءَ دلپدردی درشان کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اُرش ءَ شہید بوتگیں پولیس کارندہ آناں …
مزن وزیر شہباز شریف ءَ کرک ءَ پولیس ءِ گاڑی ءِ سر ءَ تیر گواری ءَ را مذمت
اسلام آباد۔23دسمبر (اے پی پی): مزن وزیر محمد شہباز شریف ءَ کرک ءَ پولیس ءِ گاڑی ءِ سر ءَ تیرگواری ءِ سک باز مذمت کتگ ءُ وئیل ءَ پولیس ءِ 5 کارندہ شہید بوھگ ءِ سر ءَ دلپدردی درشان کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اُرش ءَ شہید بوتگیں پولیس کارندہ آناں شگر ءُ منت گپت ءُ آھانی گس ءِ مردم آں گوں دل ءِ جہلانکی ءَ ھمدردی ءُ دلپدردی ءِ درشانی کت ءُ گوشت کہ سرجمیں راج شہید آناں سلام پیش کنت۔ مزن وزیر ءَ گوشت کہ ناشرکاری ءِ ھلاپ ءَ جنگ ءَ پولیس ءَ مدام پیشگام ءِ کرد پیلو کتگ۔ آئی ءَ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ جزم ءِ درشان۔
