کربلا۔23دسمبر (اے پی پی): کربلا ءِ گورنر ڈاکٹر ناصیف جاسم الخطابی ءَ صدر آصف علی زرداری ءِ شرپ ءَ سبارگ ءِ دعوت ءِ میزبانی کت۔ اے موہ ءِ سر ءَ وت مہ وتی واھگی جیڈھ آنی سر ءَ گپ ءُ تران کنگ بوت، ایشی ءِ تہ ءَ دود ءُ ربیدگ ءِ روگ ءُ آیگ ، سیل ءُ سواد ءُ راجدپتری جاھ آنی رکھینگ ھوار اِنت۔ سئے شمبے ءِ روچ ءَ …
کربلا ءِ گورنر ءَ صدر آصف علی زرداری ءِ شرپ ءَ سبارگ ءِ دعوت داتگ
کربلا۔23دسمبر (اے پی پی): کربلا ءِ گورنر ڈاکٹر ناصیف جاسم الخطابی ءَ صدر آصف علی زرداری ءِ شرپ ءَ سبارگ ءِ دعوت ءِ میزبانی کت۔ اے موہ ءِ سر ءَ وت مہ وتی واھگی جیڈھ آنی سر ءَ گپ ءُ تران کنگ بوت، ایشی ءِ تہ ءَ دود ءُ ربیدگ ءِ روگ ءُ آیگ ، سیل ءُ سواد ءُ راجدپتری جاھ آنی رکھینگ ھوار اِنت۔ سئے شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گرمیں وش اتک ءِ سر ءَ شگر ءُ منت گپت ءُ دوئیں ملک آنی نیام ءَ برجاھیں کمک ءِ ارزشت ءِ سر ءَ زور پر دات۔ صدر آصف علی زرداری ءَ گوشت کہ یک انچیں شہر ءِ تہ ءَ ساڑی بوھگ منی واستہ مزنیں شرپ ءِ گپ اِنت کہ ایشی ءِ تہ ءَ اسلام ءِ لھتیں پاکیں ھند ھست اَنت۔ عراق ءِ اے تر ءُ تاب صدر آصف علی زرداری ءِ دمگ ءَ سفارتی، دود ءُ ربیدگ ءُ راج ءِ نیام ءَ سیادی ءَ را مھکم کنگ ءِ ھاترا گیشیں کوشست آنی بھر اِنت۔ صدر ءِ مملکت ءِ ھمراھی سینیٹر شیری رحمان،سینیٹر سلیم مانڈوی والا، گورنر پنجاب سردار سلیم حیدر خان ، سینئر وزیر سندھ شرجیل انعام میمن، صوبائی وزیر سندھ ناصر حسین شاہ ءَ ابید عراق ءَ پاکستان ءِ سفیر ھم صدر مملکت ءِ گوما ھمبراہ اَتنت۔
