اقتصادی یکوئی کمیٹی ءَ موبائل سپیکٹرم ءِ نیلامی ءِ منظوری داتگ، ڈیجیٹل پاکستان ءِ سفر ءَ را تیز کنگ، وفاقی وزیر خزانہ محمد اورنگزیب ءِ پریس کانفرنس

اسلام آباد۔23دسمبر  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ کابینہ ءِ اقتصادی رابطہ کمیٹی ءَ موبائل اسپیکٹرم ءِ نیلامی ءِ منظوری داتگ۔ سئے شمبے ءِ روچ ءَ آئی ٹی ءِ وفاقی وزیر شزہ فاطمہ خواجہ ءِ گوما یکجائی پریس کانفرنس ءَ آئی ءَ گوشت کہ ڈیجیٹل پاکستان پروگرام ءَ را دیم ءَ برگ ءِ واستہ یک لڑ ءِ گامگیج کنگ بوھگ ءَ انت ءُ حکومت اے سفر ءَ را ترند کنگ ءَ انت۔ موبائل سپیکٹرم مالی ءُ ڈیجیٹل شمولیت ءِ تہا سک باز ھاسیں کرد پیلو کنت۔ یک ھسابے ءَ ھما سپیکٹرم کہ نیلام نہ بوتگ مئے ھاترا مالی تاوان اِنت۔ وزیر ءِ ھزانگ ءَ گوشت کہ مرچی (سہ شمبے) ءَ کابینہ ءِ اقتصادی رابطہ کمیٹی ءِ دیوان ءَ موبائل اسپیکٹرم ءِ نیلامی ءِ منظوری داتگ۔ آئی ءَ گوشت کہ سپیکٹرم ایڈوائزری کمیٹی ءَ نیشنل اکنامک ریسرچ ایسوسی ایٹس (نیرا) ءَ را ما چہ یک مشیر ءِ سروسز ءِ کرایہ ءِ سرا زرتگ ات، نیرا ءَ پی ٹی اے ءُ ایندگر سیادی داروکیں ادارگ آنی نگرانی ءَ شریک آنی گوما تفصیلی رنگ ءَ ھمگرنچ کتگ ءُ راجی، دمگی ءُ سپیکٹرم ءِ سر ءَ تفصیلی چار ءُ تپاسی کتگ۔ بین الاقوامی معیار ءِ سرا کار کنگ ءَ انت۔ اے بنیاد ءَ مارا موبائل سپیکٹرم ءِ نرخ، ادائیگی ءِ شرائط ءُ نیلامی ءِ ڈیزائن ءِ بابت ءَ سفارشات دیگ بوتگ انت۔ ما اے سفارشانی سرا ھیال ءُ لیکہ کتگ ءُ اولی رند ءَ پاکستان ءِ چمشانک ءَ چہ دیم ءَ برتگ۔ اقتصادی یکوئی کمیٹی ءَ مرچی اے سفارشات منظوری داتگ انت۔