انٹرنیٹ ءِ سپیڈ ءُ رسائی ءَ را گیش کنگ بیت، ملک ءَ زوت 5G ٹیکنالوجی ءِ دیم ءَ آرگ بیت، آئی ٹی ءِ وفاقی وزیر

اسلام آباد۔23دسمبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ اقتصادی رابطہ کمیٹی ءَ سپیکٹرم نیلامی کمیٹی ءِ سفارشات منظور کتگ، ما ڈیجیٹل پاکستان پروگرام ءَ را دیم ءَ برگ ءَ ایں، ایشی ءِ گوما انٹرنیٹ ءِ رفتار ءِ ھوار دگہ ٹیلی کام ءِ گوما ایشی ءِ رسائی ءَ را گیش کنگ بیت۔ دل یکیمی کنگ بوتگ، فروری 2026ءِ اولی ہفتگ ءَ تاں 600میگاہرٹز سپیکٹرم ءِ نیلامی ءَ را سرجم کنگ ءِ کوشست کنگ بوھگ ءَ اِنت، پاکستان ءَ زوت 5جی ٹیکنالوجی ءِ دیم ءَ آرگ بیت۔ آئی ءَ اے ھیالانی درشانی سئے شمبے ءِ روچ ءَ وفاقی وزیر ھزانگ محمد اورنگزیب ءِ گوما ای سی سی ءِ دیوان ءَ پد میڈیا ءَ را بریفنگ کنان ءَ کت۔ آئی ٹی ءِ وفاقی وزیر شزہ فاطمہ خواجہ ءَ گشتگ کہ نوں ایشی ءَ را وفاقی کابینہ ءَ برگ بیت۔ مئے کوشست ایش انت کہ طیف ءِ نیلامی جنوری ءِ گڈسر ءَ یا فروری ءِ اولی ہفتگ ءَ سرجم بہ بیت۔ پاکستان ءَ انٹرنیٹ سروسز جھان ءِ کچ ءُ کساس ءَ نہ انت ۔ ایشی ءِ مستریں سبب طیف ءِ کمی اِنت۔ اے وھد ءَ پاکستان ءِ 240ملین آبادی 274 میگاہرٹز ءِ اسپیکٹرم ءِ سر ءَ کار کنگ ءَ اِنت۔ اے گپ ءِ گہتری ءِ ھاترا سپیکٹرم نیلامی کنگ بوھگ ءَ اِنت۔ مئے کوشست 600 میگاہرٹز ءِ اسپیکٹرم ءِ نیلامی ءِ برجم دارگ انت۔ اے گوستگیں وھد ءِ مستریں سپیکٹرم نیلامی اِنت۔ ایشی ءَ چہ 3G ءُ 4G سروسز گہتر بنت ءُ 5G سروس ھم دیم ءَ آرگ بیت۔ آئی ءَ گوشت کہ پی ٹی اے اے گپ ءَ را دل یکیمی کنت کہ آیوکیں چار ءُ شش ماہ ءِ تہ ءَ 5 جی ءِ سرجمیں عمل سرجم کنگ بہ بنت۔ آیوکیں چار ءُ شش ماہ ءِ تہ ءَ سروسز ءِ کوالٹی گہتر بیت۔ پاکستان ءَ زوت فائیو جی ءِ بندات کنگ بیت۔ آئی ءَ گوشت کہ سرجمیں ڈیجیٹلائزیشن ءِ بنیات انٹرنیٹ اِنت، ءُ آیوکیں پنچ سال آنی تہ ءَ 100 ایم بی پی ایس کنیکٹوٹی ءِ آسراتی رس ایت۔ آئی ءَ گوشت کہ اے وھد ءَ پاکستان ءَ پنچ درسد فائبرائزیشن است انت، ایشی ءَ را گیش کنگ بیت تانکہ انٹرنیٹ ءِ سپیڈ ءَ را گہتر کنگ بہ بیت۔