اقتصادی یکوئی کمیٹی ءَ 5G سپیکٹرم ءِ نیلامی ءِ منظوری داتگ، ڈیجیٹل پاکستان ءِ سفر ءَ را ترند کنگ ءَ انت، وفاقی وزیر خزانہ ءِ پریس کانفرنس

اسلام آباد۔23دسمبر  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ کابینہ ءِ اقتصادی رابطہ کمیٹی ءَ 5 جی سپیکٹرم ءِ نیلامی ءِ منظوری داتگ۔ سئے شمبے ءِ روچ ءَ آئی ٹی ءِ وفاقی وزیر شزہ فاطمہ خواجہ ءِ گوما یکجائی پریس کانفرنس ءَ آئی ءَ گوشت کہ ڈیجیٹل پاکستان پروگرام ءَ را دیم ءَ برگ ءِ واستہ یک لڑ ءِ گامگیج کنگ بوھگ ءَ انت ءُ حکومت اے سفر ءَ را ترند کنگ ءَ انت۔ مالی ءُ ڈیجیٹل شمولیت ءِ تہا سپیکٹرم سک باز ھاسیں کرد پیلو کنت۔ یک ھسابے ءَ ھما سپیکٹرم کہ نیلام نہ بوتگ مئے ھاترا مالی تاوان اِنت۔ وزیر ءِ ھزانگ ءَ گوشت کہ مرچی (سہ شمبے) ءَ کابینہ ءِ اقتصادی رابطہ کمیٹی ءِ دیوان ءَ سپیکٹرم ءِ نیلامی ءِ منظوری داتگ۔ آئی ءَ گوشت کہ نیشنل اکنامک ریسرچ ایسوسی ایٹس ءِ سپیکٹرم ایڈوائزری کمیٹی (ایس اے سی) ءَ ما پی ٹی اے ءُ ایندگر سیادی داروکیں ادارگ آنی نگرانی ءَ نائیرا نامیں کنسلٹنٹ ءِ کرایہ ءِ سر ءَ گپتگ ات، شریک آنی گوما تفصیل ءَ ھمگرنچ بوتگ ات ءُ گوستگیں وھد ءَ میاں اوستمانی تک ءَ برجم دارگ بوتگیں سپیکٹرم نیلامی آنی سر ءَ تفصیلی چار ءُ تپاسی کتگ ات۔ اے بنیاد ءَ مارا سپیکٹرم ءِ قیمت، ادائیگی ءِ شرائط، ءُ نیلامی ءِ ڈیزائن ءِ بابت ءَ سفارشات دیگ بوتگ انت۔ ما اے سوجانی سرا ھیال ءُ لیکہ کتگ ءُ اولی رند ءَ پاکستان ءِ چمشانک ءَ چہ دیم ءَ برتگ انت۔ اقتصادی یکوئی کمیٹی ءَ مرچی اے سفارشات منظور کتگ انت۔