نائب مزن وزیر محمد اسحاق ڈار نجکاری ءِ ھوالگ ءَ کابینہ کمیٹی ءِ دیوان ءِ سروکی

اسلام آباد۔23دسمبر  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ کابینہ ءِ نجکاری ءِ بابت ءَ کمیٹی سئے شمبے ءِ روچ ءَ برجم دارگ بوت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ نجکاری کمیشن ءُ نجکاری ءِ وزارت ءَ ملک ءَ نجکاری ءِ عمل ءِ بابت ءَ کابینہ کمیٹی ءَ را سرجمیں بریفنگ داتگ۔ آہاں پاکستان انٹرنیشنل ایئر لائنز کمپنی لمیٹڈ ءِ 75درسد شیئر ءِ نجکاری ءِ ھاتر ءَ نجکاری کمیشن بورڈ ءِ نیمگ ءَ منظور کتگیں/سفارش کتگیں ریزرو پرائس ءِ تعین ءِ ھوالگ ءَ خلاصہ پیش کت کہ ایشی ءِ ھاتر ءَ کابینہ کمیٹی ءِ نجکاری ءِ بابت ءَ چار ءُ تپاسی کنگ بہ بیت۔ نجکاری ءِ ھوالگ ءَ کابینہ کمیٹی ءَ پاکستان انٹرنیشنل ایئر لائنز کمپنی لمیٹڈ ءِ نجکاری ءِ ھوالگ ءَ نجکاری کمیشن / بورڈ ءِ نیمگ ءَ منظور کتگیں درستیں کارروائی آنی سر ءَ سرجمیں رنگ ءَ چار ءُ تپاسی کت، پی سی بورڈ ءِ سفارشات آنی سر ءَ چار ءُ تپاسی کت ءُ وفاقی کابینہ ءِ نیمگ ءَ گیش چار ءُ تپاسی ءِ واستہ ایشی ءِ منظوری کت۔ نائب مزن وزیر ءَ حکومت ءِ نیمگ ءَ جوڑ کتگیں پالیشی، کانود ءُ کارروائی آنی سر ءَ سک باز عمل کنگ ءُ نجکاری ءِ تہ ءَ میاں اوستمانی جوانیں رھبند آناں وتیگ کنگ ءِ ضلورت ءِ سر ءَ زور پر دات۔ آئی ءَ سیادی داروکیں واکدار آناں ہدایت کت کہ آ نجکاری ءِ توامیں لین دین کانود ءِ رد ءَ بہ کن اَنت، شفافیت برجائی بہ کن اَنت ءُ اے عمل ءِ تہ ءَ توامیں بھر زوروکاں یک پیم ءَ بہ دار اَنت۔ گند ءُ نند ءِ تہ ءَ ھزانگ، بجلی ءُ تجارت ءِ وزیر، مزن وزیر ءِ نجکاری، صنعت ءُ پیداوار ءِ ھوالگ ءَ مشیر، مزن وزیر ءِ ھاسیں کمکار طارق باجوہ ءُ بلال کیانی، وفاقی سیکرٹری کابینہ، نجکاری، منصوبگ بندی، تجارت، دفاع، کانود، کامرس ءِ سیکرٹری آں بھر زوری کت۔