اے پی پی ءِ تہا کرسمس کیک ءِ کٹگ ءِ پر مڈائیں مراگش

 اسلام آباد۔22دسمبر  (اے پی پی): ایسوسی ایٹڈ پریس آف پاکستان ءَ دو شمبے ءِ روچ ءَ وتی بنجاہی کارگس ءَ روایتی کیک کٹگ ءِ مراگش ءِ گوما کرسمس ءِ مراگش برجم داشتگ کہ اے ادارگ ءِ جتا جتائیں مذہبی کمیونٹی آنی نیام ءَ امن، مھر ءُ یکوئی ءِ چیدگ اِنت۔ منیجنگ ڈائریکٹر محمد عاصم کھچی ، ڈائریکٹر نیوز شمیلا اندلیب، چیف رپورٹر عباس علی چوہان ءُ مزنیں افسراں اے پی پی ءِ عیسائی کارندہ آنی ہمراہی ءَ اے موہ ءِ درگت ءَ کرسمس کیک ءِ کٹگ ءِ  مراگش  ءَ بھر زرت۔ اے مراگش ءَ اے پی پی ءِ کارندہ آنی نیام ءَ یکوئی ءُ بین المذاہب ہم آہنگی ءِ سر ءَ چمشانک گوں  جوش ءُ جزبگ ءِ دیمروئی بوتگ۔ عیسائی کمیونٹی ءَ را سلام ءُ دروت ءِ درشان کنان ءَ ایم ڈی محمد عاصم کھچی ءَ یکے دومی ءِ شرپ، تپاکی ءُ یکوئی ءِ سرا زور پر دات۔ ڈائریکٹر نیوز شمالیہ اندلیب ءَ ھم وتی مبارکباد ءِ درشانی کتگ ءُ مھر، واھگ گوں وتی ھمگنگلاں دارگ ءِ بابت ءَ چمشانک دات۔ منیجر  ایڈمن ملک خضر زمان اعوان، پیسریگیں جنرل سیکرٹری اے پی پی یونین  ندیم اقبال، ءُ لیاقت بھٹی ءَ کرسمس ءِ پر مڈائیں دیوان ءُ مراگش ءَ را  مبارکی دات، عیسائی کارندہ ءِ شرپ ءُ ازت ءِ  توسیپ کت، ءُ درستانی واستہ ھواری ءُ برابری ءِ ھاتر ءَ وتی جزم آناں درشان کت۔  اے پی پی ءِ کارگس ءَ را رنگ رنگیں اوپوک ءُ کرسمس ءِ درچک ءَ گوں وشیں رنگے ءَ زیب داتگ ات ءُ اے موہ ءِ وشیں تب ءَ را گیش کتگ ات۔