فیلڈ مارشل سید عاصم منیر  ءَ سعودی عرب ءِ وزیر دیمپان ءِ شہزادہ خالد بن سلمان بن عبدالعزیز آل سعود ءَ گوں گند ءُ نند

راولپنڈی۔22دسمبر  (اے پی پی): چیف آف ڈیفنس فورسز ءُ چیف آف آرمی سٹاف فیلڈ مارشل سید عاصم منیر  ءَ  سعودی عرب  ءِ سرکاری  تر ءُ تاب ءِ ساھت ءَ سعودی عرب ءِ وزیر دیمپان شہزادہ خالد بن عبدالعزیز آل سعود ءَ گوں گند ءُ نند کت۔  دو شمبے ءَ  انٹر سروسز پبلک ریلیشنز ءِ رد ءَ گند ءُ نند ءِ ساھت ءَ دمگی سیکورٹی ءِ جاور ھال، دیمپانی ءُ فوجی کمک، اسٹریٹجک شریکداری ءُ بدل بوھوکیں اسٹریٹجک چیلنج آنی سر ءَ وت مہ وتی سیت  ءِ جیڈھ آنی سر ءَ گپ ءُ تران کنگ بوتگ۔ اے موہ ءِ سر ءَ پاکستان ءُ سعودی عرب ءِ نیام ءَ گہتریں، روایتی ءُ براتی سیادی آنی سر ءَ یک رندے پدا زور پر دیگ بوت۔ مسجد الحرام ءِ نگہبان شاہ سلمان بن عبدالعزیز السعود ءِ نیمگ ءَ چہ شنگ بوتگیں شاہی فرمان ءِ رد ءَ فیلڈ مارشل سید عاصم منیر  ءَ را سعودی عرب ءِ بادشاہی ءِ مستریں راجی داد شاہ عبدالعزیز میڈل (برز ترین کچ) ھم دیگ بوتگ۔ اے داد فیلڈ مارشل سید عاصم منیر  ءِ جوانیں فوجی ازمت ءُ سروکی ءِ  منوک   انت، پاکستان ءُ سعودی عرب ءِ نیام ءَ دیمپانی کمک، اسٹریٹجک ہم آہنگی ءُ ادارگی سیادی ءِ دیمروئی ءِ تہا آئی ءِ ھاسیں کرد ءِ اعتراف انت۔ اے داد ءِ تہ ءَ آئی ءِ دمگی امن ءُ ایمنی ءِ تہ ءَ ھاسیں رنگ ءَ ناشرکاری ءِ ھلاپ ءَ ءُ ایمنی ءِ پڑ ءَ ھم کرد ءِ درشانی کنگ بیت۔ سعودی رہشون ءَ فیلڈ مارشل سید عاصم منیر  ءِ پیشہ وارانہ شور ءُ سلاہ ءُ اسٹریٹجک وژن ءِ توسیپ کت ءُ دوئیں ملک آنی نیام ءَ دیریں، برات ءِ سیادی ءَ را مھکم کنگ ءِ واستہ آئی ءِ جزم  ءِ توسیپ کت۔ فیلڈ مارشل سید عاصم منیر  ءَ اے داد ءِ دیگ ءِ ھاتر ءَ دو مسجد شرپ مند  ءُ سعودی عرب ءِ نگہبان ءِ منت گپت ءُ اے داد ءَ را پاکستان ءُ سعودی عرب ءِ نیام ءَ مھکم ءُ برجاھیں سیادی ءِ چیدگ  لیک اِت۔ آئی ءَ سعودی عرب ءِ بادشاہی ءِ ایمنی، برجائی ءُ وشھالی ءِ واستہ پاکستان ءِ جزم ءِ سر ءَ زور پر دات۔ کنگ عبدالعزیز مودل (بلند ترین تک) ءِ نیمگ ءَ اے داد ءِ مراگش پاکستان ءُ سعودی عرب ءِ سیادی ءِ گہتری ءُ دمگی ءُ جھان ءِ امن ءِ دیمروئی ءِ واستہ دوئیں ملک آنی یکجائی جزم  ءِ درشان اِنت۔