نائب مزن وزیر اسحاق ڈار ءَ کم چہ کم ھرچ ءُ درچ ءُ وھد ءِ سر ءَ تصدیق ءُ اپوسٹیل سروسز ءِ واستہ ساپ ءُ سلہ ایں  ءُ کارآمدیں تصدیق ءِ نظام ءَ را دل یکیمی کنگ ءِ پنت ءُ شون

اسلام آباد۔22دسمبر  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ کم چہ کم ھرچ ءُ درچ ءُ وھد ءِ سر ءَ تصدیق ءُ اپوسٹیل سروسز ءِ واستہ ساپ ءُ سلہ ایں  ءُ کارآمدیں تصدیق ءِ نظام ءَ را دل یکیمی کنگ ءِ پنت ءُ شون کتگ۔ دو شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر سینیٹر محمد اسحاق دار ءِ سروکی ءَ قونصلر سروسز ءِ چار ءُ تپاسی ءِ واستہ دیوان برجم دارگ بوت ایشی ءِ تہ ءَ مزن وزیر ءِ ھاسیں کمکار طارق باجوہ ءُ وزارت درئی کار ءِ مزنیں افسر آنی بھر زوری بوت۔ گند ءُ نند ءِ تہ وزارت ءِ درئی کار آنی تہ ءَ قونصلر امور ءِ ٹیم ءَ نائب مزن وزیر ءُ دری کارانی وزیر ءَ را لس مھلوک ءَ را داتگیں تصدیق ءُ اپوسٹیل سروسز ءِ ھاسیں لیکہ ءُ اے درگت ءَ جوڑ بوتگیں کارروائی آنی بابت ءَ سرجمیں بریفنگ ءِ تہ ءَ سرپد کت۔ نائب مزن وزیر ءُ وزیر ءِ درئی کار ءَ قونصلر سروسز ٹیم ءِ نیمگ ءَ چہ کتگیں گامگیج آنی سر ءَ چار ءُ تپاسی کنان ءَ اے گپ ءِ سر ءَ زور پر دات کہ یک ساپ ءُ سلہ ایں  ءُ کارآمدیں تصدیق ءِ نظام ءَ را دل یکیمی کنگ وزارت ءِ درئی کار ءِ مشن ءِ بنیاتی ستون اِنت۔ آئی ءَ پنت ءُ شون کت کہ کم چہ کم ھرچ ءُ درچ ءُ وھد ءِ سر ءَ الس آناں آسراتی پجاری ءِ واستہ گیش موثر گامگیج چست کنگ بہ بیت۔