وانگ ءُ زانگ راجانی دیمروی ءِ بُن ھشت اِنت، کلثوم نیاز بلوچ

کوئٹہ۔ 22 دسمبر (اے پی پی): نیشنل پارٹی بلوچستان وومن ونگ ءِ سیکرٹری ءُ ایم پی اے کلثوم نیاز بلوچ ءَ گشتگ وانگ ءُ زانگ راجانی دیمروئی ءِ مڈی انت۔ سفیر اسلامی اسکول ءِ سالانہ داد  ءِ بہر ءُ بانگ ءِ مراگش ءَ گوں تران کنان ءَ آئی ءَ گوشت کہ اے وڑیں مراگش نودربر آنی تہ ءَ وت مہ وتی ءِ جوڑ کنگ ءِ ھوار آھانی پوشیدہ صلاحیت آناں پدر کنگ ءِ واستہ ھاسیں کرد پیلو کن اَنت۔ آئی ءَ والدین ءُ استاد آنی کرد ءِ ھم ستا کرتگ کہ آ زھگ آنی جوانیں تربیت ءُ وانگ ءُ زانگ ءِ تہ ءَ کلیدی کرد پیلو کن اَنت۔ اے موہ ءِ سر ءَ آئی ءَ ھما نودربر آنی تہ ءَ انعام بھر ءُ بانگ کت کہ آھاں جوانیں کارکردگی پیش داشتگ ءُ آھاں دلبڈی داتگ۔ مراگش ءَ ڈائریکٹر جمیل احمد مشوانی، استاد، مات ءُ پت ءُ اے دگہ مزن نامیں مردم ھم ساڑی اتنت۔ اے موہ ءِ سرءَ مدرسه ءِ انتظامیہ ءَ نودربر آنی وانگ ءُ زانگ ءِ سرگرمی ءُ کامیابی آنی سر ءَ چمشانک دات۔