حکومت ملک ءِ تہا اقلیتانی حقانی رکھینگ ءُ یک شمولیت ءُ  یکوئی  ءِ چاگرد ءِ جوڑ کنگ ءِ ھاتر ءَ جزم انت، وفاقی وزیر خزانہ محمد اورنگزیب کرسمس ءِ مراگش ءَ گوں تران

اسلام آباد۔22دسمبر  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ حکومت ملک ءَ اقلیت آنی ھک آنی رکھینگ ءُ یک ھواریں ءُ ھمگرنچیں چاگرد ءِ جوڑ کنگ ءِ واستہ جزم انت۔ آئی ءَ اے گپ دو شمبے ءِ روچ ءَ ادا وزارت خزانہ ءِ مزنیں حکام ءِ گوما عیسائی کمیونٹی ءَ گوں سیادی داروکیں فنانس ڈویژن ءِ کارندہ آنی گوما کرسمس ءِ مراگش ءَ گشتانک دیان ءَ کت۔ اے موہ ءِ سر ءَ آئی ءَ مذہبی یکوئی، رواداری ءُ شمولیت ءِ واستہ پاکستان حکومت ءِ عزم ءِ یک رندے پدا گوشت۔ وفاقی وزیر ءَ عیسائی کمیونٹی ءَ را کرسمس ءِ مبارکی دات ءُ امن، شفقت ءُ یکوئی ءِ احترام ءِ وڑیں قدر آنی ارزشت ءِ سر ءَ زور پر دات۔ آئی ءَ گوشت کہ اے قدر پاکستانی چاگرد ءِ بُن ھشت جوڑ کن اَنت ءُ جتا جتائیں مذھب آنی منوگر آنی نیام ءَ یکوئی ءَ را گیش کن اَنت۔ وزیر خزانہ ءَ اے گپ ءِ ھم یک رند ءَ گوشت کہ پاکستان ءِ آئین ءَ دراھیں شہری آناں یک وڑیں ھک ءِ ضمانت داتگ ءُ حکومت ملک ءَ اقلیت آنی ھک آنی رکھینگ ءُ یک ھواریں ءُ ھمگرنچیں چاگرد ءِ جوڑ کنگ ءِ واستہ جزم اِنت۔ وزیر ءِ ھزانگ ءَ اے موہ ءِ سر ءَ کرسمس ءِ کیک ھم کٹ اتگ۔