مزن وزیر ءَ ایشیا کپ ءِ سوبمندیں انڈر 19 کرکٹ ٹیم ءِ ہر یک لیبی ءِ واستہ 10ملین کلدار ءِ جار جتگ، ٹیم ءَ راج  ءِ سر پھر ءَ چہ برز کتگ، شہباز شریف

اسلام آباد۔22دسمبر  (اے پی پی): مزن وزیر محمد شہباز شریف ءَ انڈر 19 ایشیا کپ ءِ سوبمندیں پاکستان کرکٹ ٹیم ءِ ہر یک لیبی ءِ واستہ 10 ملین کلدار ءِ کمک ءِ جار جتگ ءُ گوشت کہ ٹیم ءَ راج  ءِ سر   پھر ءَ چہ برز  کتگ۔ آئی ءَ دو شمبے ءِ روچ ءَ ایشیا کپ ءِ سوبمندیں انڈر 19 کرکٹ ٹیم ءِ شرپ ءَ نان ءِ مراگش ءَ گوں گشتانک دیگ ءَ ات۔ اے موہ ءِ سر ءَ وفاقی تہی کارانی وزیر ءُ پاکستان کرکٹ بورڈ ءِ چیئرمین محسن نقوی، وفاقی وزیر ءِ ھال ءُ اھوال عطا اللہ ترار ءَ ابید ٹیم ءِ کھڈکار ءُ پی سی بی ءِ کارندہ ھم ساڑی بوتگ اَنت۔ مزن وزیر ءَ ٹیم ءَ را شاندار سوبمندی ءِ سر ءَ مبارک بات دات ءُ گوشت کہ ایشیا کپ ءِ سوبمندیں ٹیم ءَ راج ءَ را پھر کتگ۔ ٹیم ، انتظامی ءُ پاکستان کرکٹ بورڈ ءِ کوشست ءُ محسن نقوی ءِ محنت ارزشت دار انت۔ مزن وزیر ءَ علی رضا ءُ سمیر منہاس ءِ کارکردگی ءِ توسیپ کت ءُ ٹیم ءِ کامیابی ءِ تہ ءَ کرد پیلو کتگیں توامیں کھڈکار، کوچ ءُ اے دگہ کارندہ آناں مبارکی دات۔ مزن وزیر ءَ گوشت کہ اللہ تعالیٰ ءَ بھارت ءِ گوما جنگ ءَ پاکستان ءَ سوبمندی داتگ۔ مزن وزیر ءَ ہر لیبی ءِ واستہ 10ملین ءُ ٹیم مینجمنٹ ءِ ہر یک باسک ءِ واستہ 25 لکھ کلدار ءِ جار جتگ۔ آئی ءَ گوشت کہ ایشیا کپ ءِ سوبمندی ءَ گوں راج ءَ مزنیں وشی ءِ گوما جشن کت۔ پی سی بی ءِ چیئرمین محسن نقوی ءَ گوشت کہ انڈر 19 ٹیم ءِ سوبمندی مئے واستہ مزنیں شرپ ءُ راجدپتری روچ ات۔ ٹیم ءِ کپتان ءُ لیبی بچک آں  ایوارڈ ءِ جار جنگ ءِ سر ءَ مزن وزیر ءِ شگر ءُ منت گپت ءُ گوشت کہ پی سی بی ءِ نیمگ ءَ چہ سرجمی ءَ کمک رستگ، کیمپ ءِ ساھت ءَ کوچ آں مزنیں محنت کتگ۔