بغداد ۔22دسمبر (اے پی پی): صدر آصف علی زرداری ءَ بغداد ءَ زیارت ءِ مراگش ءَ شریک بوتگ ءُ مسلمان امت ءِ امن ءُ ایمنی ءُ یکوئی ءِ واستہ دعا کتگ ۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ حضرت شاہد عبدالقادر جیلانیؒ ءِ مزار ءِ سر ءَ فاتحہ ءِ تلاوت کت۔ آئی ءَ کاظمیہ ءِ مزار مقدس …
صدر آصف علی زرداری ءَ بغداد ءَ زیارت ءَ شریک بوتگ ، مسلمان امت ءِ یکوئی ، تپاکی ءُ ایمنی ءِ واستہ دعا کتگ
بغداد ۔22دسمبر (اے پی پی): صدر آصف علی زرداری ءَ بغداد ءَ زیارت ءِ مراگش ءَ شریک بوتگ ءُ مسلمان امت ءِ امن ءُ ایمنی ءُ یکوئی ءِ واستہ دعا کتگ ۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ حضرت شاہد عبدالقادر جیلانیؒ ءِ مزار ءِ سر ءَ فاتحہ ءِ تلاوت کت۔ آئی ءَ کاظمیہ ءِ مزار مقدس ءَ امام موسیٰ الکاظم (ع) ءُ امام محمد التقی الجواد (ع) ءِ مزاراں زیارت کتگ۔ صدر ءِ مملکت ءَ کاظیمیہ مزار ءِ سر ءَ مسلمان امت ءِ امن، تپاکی ءُ ایمنی ءِ واستہ دعا کتگ ءُ اودا زریارت کنوک آنی دپتر ءَ ھم وتی تاثرات نبشتہ کتگ اَنت۔ صدر ءِ مملکت ءَ امام مزار ءِ زانشت آناں علم، صبر، حکمت ءُ اخلاقی طاقت ءِ دائمی وسیلہ لیک اتگ۔ امام اعظم ابوحنفہ ءِ مزار ءِ ھم تر ءُ تاب کتگ ۔ صدر آصف علی زرداری ءَ گوں درستیں مزارات ءِ منتظمین ءُ مبلغاں ھم گند ءُ نند کتگ۔
