صدر آصف علی زرداری ءَ عراق ءَ  روگ ءِ ساھت ءَ بالی   گراب ءِ اندر ءَ ایران ءِ گوما یکوئی ءِ درشان

اسلام آباد۔21دسمبر  (اے پی پی):صدر آصف علی زرداری ءَ وتی عراق ءِ بالیگ ءِ وھد ءَ براتیں  اسلامی ملک ایران ءَ گوں یکوئی ءِ درشانی کتگ۔ صدارتی ایوان ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ وھدے صدر ءِ بالی گراب اسلام آباد ءَ چہ بغداد ءَ روگ ءِ وھد ءَ ایران ءِ ھوائی دمگ ءَ داخل بوتگ گڑا پاکستان ءِ صدر ءَ ایران ءِ سروکی ءَ را نیک راھی ءِ پیغام دیم داتگ۔ اے کلوہ ایران ءِ سروک ءُ ایران ءِ صدر ءَ دیم دیگ بوت۔ صدر ءِ مملکت ءَ خطہ ءِ تہ ءَ وت مہ وتی احترام، امن ءُُ وت مہ وتی سیادی ءِ دیمروئی ءِ سر ءَ زور پر دات۔