خیبر پختونخوا ءَ سیکورٹی فورسز ءِ مزنیں سوبمندی ، دو آپریشن ءِ تہ ءَ ھندی پراکسی فتنہ الخوارج ءِ 9 ناشرکار جنگ بوتگ

راولپنڈی۔ 21 دسمبر (اے پی پی): خیبر پختونخوا ءَ بھارتی پراکسی فتنہ الخوارج ءِ ھلاپ ءَ دو جتا جتائیں آپریشن ءِ ساھت ءَ سیکورٹی فورسز ءَ 9 ناشرکار کشتگ اَنت۔ پاکستانی فوج ءِ پبلک ریلیشنز ڈیپارٹمنٹ ءِ نیمگ ءَ یک شمبے ءِ روچ ءَ شنگ بوتگیں بیان ءِ رد ءَ 19 دسمبر 2025 ءَ صوبہ خیبر پختونخوا ءَ دو جتا جتائیں آپریشن ءِ وھد ءَ ھندی پراکسی فتنہ الخوارج ءَ گوں سیادی داروکیں 9 خوارج بیران بوتگ اَنت۔ ضلع ڈیرہ اسماعیل خان۔ آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را موثر نشانگ جوڑ کتگ ءُ سک باز تیرگواری ءَ پد چار خوارج جنگ بوتگ۔ دگہ انٹیلی جنس ءِ بنیاد ءَ آپریشن ضلع بنوں ءَ کنگ بوتگ کہ اودا سیکورٹی فورسز ءَ تیرگواری ءِ بدلی ءَ دگہ پنچ خوارج جوانیں رنگ ءَ کشتگ انت۔ جنگ بوتگیں ناشرکار ھندی سرپرستی ءَ کار کنگ ءَ اتنت ءُ سیکورٹی فورسز، کانود ءِ نفاذ ءِ ادارگ ءُ بے گناہیں شہری آنی نشانگ جوڑ کنگ ءِ ھلاپ ءَ بازیں ناشرکاری کارروائی آنی تہ ءَ ھوار بوتگ اَنت۔ کشتگیں خوارج ءِ دست ءَ چہ سلاہ ءُ گولہ بارود ھم دست کپتگ۔ بیان ءِ رد ءَ دمگ ءَ ھواریں دگہ ھندی سرپرستی ءِ درملکی مردم آناں ھلاس کنگ ءِ ھاترا کلیئرنس ءُُ سینیٹائزیشن آپریشن برجاہ اِنت۔ نیشنل ایکشن پلان ءِ چیر دستی ءَ فیڈرل اپیکس کمیٹی ءِ نیمگ ءَ منظور کتگیں وژن ”عزمِ استحکام“ ءِ چیر دستی ءَ پاکستان ءِ سیکورٹی فورسز ءُُ کانود ءِ نفاذ ءِ ادارگ آنی ناشرکاری ءِ ھلاپ ءَ بے رکیں مہم سرجمیں رفتار ءَ برجاہ بیت تانکہ درملکی سرپرستی ءُُ حمایت کتگیں ملک ءَ چہ ناشرکاری ءِ آفت ءَ را سرجمی ءَ ھلاس کنگ بہ بیت۔