راجی اسمبلی ءِ اسپیکر ایاز صادق ءَ انڈر 19 ایشیا کپ ءِ سوبمندی ءِ سر ءَ راجی ٹیم ءَ را مبارکی دات

اسلام آباد۔21دسمبر  (اے پی پی):راجی اسمبلی ءِ اسپیکر سردار ایاز صادق ءَ ایشیا کپ 2025 ءِ سوبمندی ءِ سر ءَ راجی انڈر 19 کرکٹ ٹیم ءَ را مبارکی دات ءُ گوشت کہ بھارت ءِ ھلاپ ءَ دراجیں سوبمندی ورنائیں کھڈکار آنی محنت ءُ جذبہ ءِ درشان اِنت۔ یک شمبے ءِ روچ ءَ راجی اسمبلی سیکرٹریٹ ءِ نیمگ ءَ جاڑی بوتگیں بیان ءِ تہ ءَ آئی ءَ پی سی بی ءِ چیئرمین سید محسن رضا نقوی ، ٹیم مینجمنٹ ءُ کوچنگ اسٹاف ءَ را ھم مبارک بات داتگ ءُ راجی انڈر 19 ٹیم ءِ واستہ نیکیں واھگ آنی درشان ھم کتگ۔ سردار ایاز صادق ءَ گوشت کہ راجی انڈر 19 ٹیم ءَ روایتی حریف بھارت ءَ را فائنل ءَ شکست داتگ ایشیا کپ ءِ تہ ءَ سوبمند بوتگ۔ سرجمیں ٹورنامنٹ ءِ تہ ءَ راجی انڈر 19 کرکٹ ٹیم ءِ جوانیں ءُ یکجاھیں کارکردگی ستا کرز اِیت۔ آئی ئَ گوشت کہ راجی ٹیم ئَ ایشیا کپ ئِ سوبمندی زورگ ئَ چہ ملک ئُُ قوم ئِ شان ءُ شُہرت آؤرتگ۔ پاکستان ءِ ورنائیں لیب کنوک آنی تہ ءَ بے دروریں ٹیلنٹ است انت ءُ آ ملک ءِ وشیں آیوکیں باندات انت۔ راجی انڈر 19 ٹیم ءِ ٹیم ورک، ہمت ءُ پیشہ وارانہ نقطہ نظر ستا کرزیں بوتگ۔ اسپیکر نیشنل اسمبلی ءَ گوشت کہ راجی ٹیمب ءِ سوبمندی ءِ سر ءَ راج ءَ را پھر انت۔