مزن وزیر شہباز شریف ءُ آئی ءِ ٹیم  ءَ بے مٹیں محنت ءِ سوب ءَ پاکستان دیوالیہ بوھگ ءَ چہ رکھینتگ، خواجہ سعد رفیق

لاہور۔21دسمبر  (اے پی پی):پاکستان مسلم لیگ ءِ مزنیں سروک خواجہ سعد رفیق ءَ گوشت کہ پاکستان ءَ مزن وزیر شہباز شریف ءُ آئی ءِ ٹیم ءِ بے مٹیں کار آنی سبب ءَ دیوالیہ بوھگ ءَ چہ رکینتگ، پاکستان مسلم لیگ ءَ وتی سیاست ءَ را داؤ ءَ ایر کنان ءَ ریاست ءَ را رکّینگ ءِ پیسلہ کتگ ءُ ملک ءُ راج ءِ گوما مشکلیں جاوراں اوشتاتگ۔ آئی ءَ اے ھیالانی درشانی مزنیں سیاسی رھشون ءُ جمہوریت ءِ پیشگام خواجہ محمد رفیق شہید ءِ 53می شھادت سالروچ ءِ درگت ءَ ایوان ءِ روچ ءَ برجم داشتگیں راجی ایمنی ءِ لوٹ ءُ پائیدار جمہوری نظام ءِ لوٹ“ ءِ سرھال ءَ راجی سیمینار ءَ گوں تران کنان ءَ کت۔ خواجہ سعد رفیق ءَ گوشت کہ خواجہ محمد رفیق شہید ءِ 53می شہادت سالروچ دارگ بوھگ ءَ انت ءُ اے سالروچ گوستگیں 48سال ءَ چہ مُدام برجم دارگ بوھگ ءَ انت کہ لاہور ءِ کوھن تریں سیاسی مراگش آنی تہ ءَ یک انت۔ آئی ءَ گوشت کہ خواجہ رفیق فاؤنڈیشن ءِ چیر دستی ءَ گہبود ءُ کمکی کار ھم کنگ بنت ءُ خواجہ محمد رفیق ءِ زند مرچی ھم مئے واستہ چراگ ءِ چراگ انت۔ خواجہ سعد رفیق ءَ گوشت کہ خواجہ محمد رفیق شہید پاکستان تحریک ءِ بندات ءَ بگر داں وتی شہادت ءَ دائم وتی اصول ءُ آدرش آنی سر ءَ مھکم بوتگ ۔ آئی ءَ عدم تشدد، آئین، جمہوریت ءُ چاگردی انصاف ءِ سرا باور بوتگ ءُ اے گپ ءِ سرا باور بوتگ کہ دیمروئی ایشانی بید ءَ ممکن نہ انت۔ آئی ءَ وتی آدرشانی ھاترا وتی کاروبار ھم قربان کتگ بلے چہ مول ءُ مراد ءَ پُشت ءَ نہ کپتگ۔ وتی ذاتی جہد ءِ حوالہ ءَ آئی ءَ گشتگ کہ من اولی رند ءَ 1982 ءَ جیل ءَ شتگ آں ءُ انوگ ءَ تاں 14 رند ءَ جیل ءِ سکی برداشت کتگ انت۔ آئی ءَ گوشت کہ محمد نواز شریف منی سروک اِنت ءُ آئی ءِ گوما یک انچیں سیادی یے است کہ لبزاں گوں بیان کنگ نہ بیت، وھدیکہ آئی ءَ را سکیں مشکلات ءِ ھم دیمپانی کنگی بوتگ۔ خواجہ سعد رفیق ءَ پنجاب حکومت ءِ کارکردگی ءِ توسیپ کت ءُ گوشت کہ صوبگ ءَ راجدپتری کار کنگ بوھگ ءَ انت کہ ایشی ءِ اثر نوں زمینی تک ءَ گندگ بوھگ ءَ انت۔ آئی ءَ گوشت کہ ملک ءِ ھمک ھما قوت کہ پاکستان ءِ آئین ءَ را من اَنت ءُ سبزیں ھلال ءِ بیرک ءَ برز ءَ دار اَنت آ یکجاھ بہ بنت ءُ گریبی، مہنگائی، بے روزگاری، درائیں دژمن ءُ ناشرکاری ءِ ھلاپ ءَ جنگ بہ کن اَنت۔ آئی ءَ گوشت کہ پاکستان ءَ را نوکیں سیاسی معاہدے ءُ اقتصادی معاہدے ءِ سک باز ضلورت اِنت، چوش کہ اپوزیشن ءِ سروک شہباز شریف ءَ ھم اے گپ جتگ اَت، مرچی ھم ملک ءَ را ھمے سوچ ءُ تپاکی ءِ ضلورت اِنت۔ آئی ءَ گوشت کہ وت مہ وتی اختلاف آنی تہ ءَ بازیں وھد زوال کنگ بوتگ نوں گیش وھد زوال کنگ ءِ گنجائش نیست۔ آئی ءَ گوشت کہ راستی ءِ جنگ ءَ دراجیں سوبمندی ءِ آسر ءَ پاکستان ءِ شرپ جھان ءِ تک ءَ بُرز بوت ءُ پاکستانی سلاھبند اُرد ءَ غیر معمولی پیشہ وارانہ ءِ درشان کنان ءَ وت ءَ چہ بازیں رند ءَ مزنیں دژمن ءَ را شکست دات۔