سیاسی استحکام پہ ہر ملک ءُ راج ءِ دیمروئی ءَ المی انت، رانا ثنا اللہ

لاہور۔21دسمبر  (اے پی پی):مزن وزیر ءِ صلاحکار سینیٹر رانا ثناء اللہ ءَ گشتگ کجام ھم ملک ءُ راج ءِ دیمروئی ءِ ھاتر ءَ سیاسی استحکام المی انت۔ اے معاشی استحکام ءَ آرگ ءَ اِنت بلے اے گپ ءِ پدر کنگ ھم المی اِنت کہ سیاسی استحکام ءِ راہ ءَ کئے رکاوٹ جوڑ کنگ ءَ اِنت۔ سول سوسائٹی ءُ سیاسی گل پرچا اے گپ ءِ سرا بے درور ءُ ھاسیں موقف نہ زور اَنت کہ کجام گل سیاسی گپ ءُ تران ءَ چہ انکار کنگ ءَ اِنت؟ تحریک انصاف ءِ دومی تبک ءِ سروکی وت گشیت ءُ آہانی گمان اِنت کہ سیاسی گپ ءُ تران بہ بیت بلے آہانی گشگ اِنت کہ ما نہ منّاں ءُ وتی گپ ءُ تران ءِ بریگیڈ ءِ ترس ءَ وتی نام ءَ ہم پدر نہ کن اَنت۔ اے ھیالانی درشانی آھاں یک شمبے ءِ روچ ءَ مزنیں سیاسی رھشون جمہوریت ءِ رھشون رھواید شحید محمد ءِ 53می شھادت سالروچ ءِ درگت ءَ ایوان اقبال ءَ برجم داشتگیں ’’راجی ایمنی ءِ لوٹ ءُ پائیدار جمہوری نظام ءِ ضلورت‘‘ ءِ سرھال ءَ راجی سیمینار ءَ گوں تران کنان ءَ کت۔ مزن وزیر ءِ مشیر رانا ثناء اللہ ءَ گوشت کہ خواجہ محمد رفیق یک مزنیں شخصیت ءِ بوتگ۔ آئی ءَ گوشت کہ خواجہ سعد رفیق ءَ ھمے جزبگ ءُ جزم ءِ گوما خواجہ محمد رفیق ءِ مشن ءَ را برجاہ بہ دار ایت۔ آئی ءَ گوشت کہ اے گپ راست اِنت کہ جنگ ءُ آشوب ءَ چہ ھچ راج دیم ءَ شُت نہ کنت، بلے اے ھم پجار کنگ المی اِنت کہ کئے ملک ءَ سیاسی گپ ءُ تران کنگ ءَ ساڑی نہ اِنت ءُ سیاسی استحکام نہ لوٹ اِیت۔ اولی اسلام آباد ءِ سر ءَ سلاہ بندیں مردمانی اُرش بوتگ ۔ آئی ءَ گوشت کہ یک رندے پد ءَ تحریک انصاف ءِ سروکی گچین کاری ءَ گوں تحریک انصاف ءَ گپ ءُ تران کنگ بوتگ ءُ جیڈھ گیش ءُ گیوار کنگ بوتگ انت۔ تحریک انصاف ءِ سروکی ءَ گشتگ مارا تحریک انصاف ءِ بانی ءَ چہ اجازت گرگی اِنت بلے اجازت ایشاں نہ رستگ ۔ رانا ثنا اللہ ءَ گشتگ کہ 9 مئی ءِ وئیل مئے دیم ءَ انت ایشی ءَ پد 26 نومبر 2024 ءِ وئیل بوتگ ءُ نوں 26 نومبر 2025 ءِ تیاری بوھگ ءَ انت ءُ اے تیاری جیل ءَ دیوانانی وسیلگ ءَ کنگ بوتگ۔ آئی ءَ گوشت کہ کانود ءَ اے وڑیں آشوب ءِ اجازت ھست؟ آئی ءَ گوشت کہ گہار عظمہ خان ءَ گوں گند ءُ نند ءَ پد آئی ءَ درآہگ ءَ پد ھما گپ ءُ تران کتگ ءُ ٹویٹ کتگ آ ھم سرجمیں راج ءِ دیم ءَ انت۔ آئی ءَ گوشت کہ ملک ءَ سیاسی بے رھبندی ھما وھد ءَ کئیت کہ ملک ءِ سیاسی گل گپ ءُ تران ءَ یلہ بہ کن اَنت ءُ دیم پہ دیمی ءِ راہ ءَ بہ رو اَنت۔ آئی ءَ گوشت کہ اے ملک ءِ دانشور آناں اے پجار کنگ لوٹ ایت کہ کجام پارٹی گپ ءُ تران ءَ چہ انکار کنت ءُ دیم پہ دیمی ءِ راہ ءَ روگ ءِ سر ءَ سدک انت۔ اگاں ما اودا نہ ایں گڑا ھما مردم ءِ نام ءَ بہ گِر کہ آ دیم پہ دیم بوھگ لوٹیت۔ آئی ءَ اے جُست چست کُت کہ آیا 25 جولائی 2018 ءِ گچینکاری منصفانہ بوتگ اَنت؟ آئی ءَ گوشت کہ ما دعویٰ کن ایں کہ مئے 45 سیٹ دگہ پارٹی ءَ داتگ ءُ دگہ کسے ءَ را مزن وزیر جوڑ کنگ بوتگ بلے ایشی ءِ باوجود وھدے پی ٹی آئی ءِ بانی اسمبلی ہال ءَ اتک گڑا شہباز شریف ءَ اپوزیشن ءِ سروک ءِ بستار ءَ گوشت کہ مارا دھاندلی کنگ بوتگ ءُ شما مزن وزیر جوڑ کنگ بوتگ اِت، ملک ءِ ھاترا اقتصادی معاہدے جوڑ کنگ ءِ ھاترا تیار اِنت ءُ بلاول بھٹو ءَ ھم اے گپ ءِ حمایت کتگ بلے ایشی ءَ پد پی ٹی آئی ءِ بانی ءَ ھما گپ جتگ کہ آ ھم راجدپتر ءِ بھر اِنت۔ آئی ءَ گوشت کہ نوں ھم مزن وزیر شہباز شریف ءَ من ءَ گپ ءُ تران ءِ واستہ دعوت داتگ ءُ وھدیکہ بجٹ منظوری بوت گڈا مزن وزیر وت اسمبلی ہال ءَ شتگ ءُ اپوزیشن ءِ سروکاں گوں گند ءُ نند کتگ بلے تحریک انصاف ءِ بانی وت اپوزیشن ءَ گوں گپ ءُ تران کنگ ءَ تیار نہ بوتگ۔ رانا ثناء اللہ ءَ گوشت کہ آجوئی ءِ روچ ءِ موہ ءَ مزن وزیر شہباز شریف ءَ تران کنان ءَ گوشت کہ پاکستان ءِ استحکام ءِ واستہ پیکٹ بیا ایت۔ رانا ثنا اللہ ءَ گوشت کہ انصاف ءِ جنگ ءَ پاکستان ءَ یک مزنیں سوبمندی یے رستگ کہ ایشی ءِ سر ءَ نا ایوک ءَ راج ءَ را پھر اِنت بلکیں دُگنیا ھوار دژمن ھم من ایت ءُ ایشی ءِ واستہ دگنیا ءَ پاکستانی اُرد ءِ سروک ءَ را کریڈٹ داتگ بلے آئی ءِ ھلاپ ءَ پروپیگنڈا ھم شنگ ءُ تالان کنگ بوتگ۔ چاگرد ھم اے چیزانی بابت ءَ گپ بہ جنت ۔