پاکستان ءُ چین ءِ نیام ءَ ڈیجیٹل کمک ءَ را گیش کنگ ءِ واستہ 24 ٹیکنالوجی ءِ منوگری

اسلام آباد۔21دسمبر  (اے پی پی):پاکستان ءُ چین ءَ آئی ٹی کمک ءِ واستہ یکجائی کارگس ءِ چیر دستی ءَ ڈیجیٹل کمک ءَ را مھکم کنگ ءِ واستہ 24 مفاہمت نامہ ءِ سر ءَ دستخط کنان ءَ تکنیکی کمک ءَ را گیش مھکم کتگ۔ ویلتھ پاکستان ءِ دست ءَ یک مسل ءِ رد ءَ بیجنگ ءَ دستخط بوتگیں منوگری آنی تہ ءَ حکومتی تک ءَ 7 حکومت ءِ نیام ءَ ءُ 16 کاروباری منوگری ھوار اَنت۔ مسل ءِ رد ءَ اے گامگیج ءِ مول ءُ مراد آئی ٹی ءِ صنعت ءَ کمک ءَ را گیش کنگ ءِ واستہ یک نوکیں ءُ عملی ڈیجیٹل راہداری ءِ جوڑ کنگ اِنت۔ مسل ءِ تہ ءَ گشگ بوتگ کہ اے ڈیجیٹل راہداری ءَ چہ پاکستانی ٹیکنالوجی کمپنی آنی واستہ نوکیں موہ پیداک بنت ءُ آئی سی ٹی انفراسٹرکچر ءِ دیمروئی ءِ تہ ءَ کمک ءَ را گیش کنگ بیت، ایشی ءِ تہ ءَ فائبر آپٹک کیبل منصوبگ، سائبر سیکورٹی، انسانی وسائل ءِ گنجائش سازی، رابطہ، نوکیں ٹیکنالوجی ءُ ڈیجیٹل مہارت ھوار اَنت۔ مسل ءِ تہ ءَ اے گپ ءِ سر ءَ ھم زور پر دیگ بوتگ کہ آئی ٹی ءُ ٹیلی کام ءِ وزارت ءَ 3لکھ سرمایہ کاری کتگ پاکستان وتی ورنا آناں نوکیں ڈیجیٹل مہارت آنی تہ ءَ تربیت دیگ، مصنوعی ذہانت ءِ دیمروئی، آئی ٹی ءِ برآمدات ءُ ڈیجیٹل گنجائش ءَ را گیش کنگ ءِ واستہ کار کنگ ءَ اِنت۔ مسل ءِ تہ ءَ ھواریں کلیدی گامگیج آنی تہ ءَ یکے ھواوے ءِ گوما مہارت ءِ تربیت ءِ شریکداری اِنت کہ ایشی ءِ مول ءُ مراد 3لکھ ورنا آناں آئی سی ٹی ءِ دیمروئی ءِ مہارت آنی تہ ءَ تربیت دیگ اِنت ایشی ءِ تہ ءَ مصنوعی ذہانت، کلاؤڈ کمپیوٹنگ ءُ سائبر سیکیورٹی ھوار اَنت۔ اے گامگیج ءِ مول ءُ مراد ڈیجیٹل مہارت ءِ فرق ءَ را گیش کنگ ءُ ہواوے ءِ جھان ءِ مہارت ءُ پاکستانی وانگ ءُ زانگ ءِ ادارگ آنی گوما کمک ءِ وسیلگ ءَ روزگار ءِ موہ آناں گیش کنگ اِنت۔ مسل ءِ تہا مصنوعی ذہانت ءِ تربیت ءِ سرا گوگل ءِ گوما تعاون ءِ ہم ذکر کنگ بوتگ۔ شراکت داری ءِ مول ءُ مراد سرکاری کارندہ آناں “اے آئی” ءِ تربیت دیگ اِنت کہ اے اسکول ءَ چہ یونیورسٹی ءُ پیشہ وارانہ تربیت ءِ مزنیں راجی اے آئی ءِ گامگیج ءِ بھر اِنت۔ مسل ءِ رد ءَ ایشی ءِ مول ءُ مراد سرکاری پڑ ءَ کارکردگی ءَ را گہتر کنگ ءُ عدلیہ، جان سلامتی ءُ گورننس ءَ ھوار جتا جتائیں پڑ آنی تہ ءَ اے آئی ءِ کارمردی ءَ را دیم ءَ برگ اِنت۔ مسل ءِ تہ ءَ گیش گشگ بوتگ کہ ایشیائی دیمروئی بینک ءِ گوما اگنائٹ ءِ وسیلگ ءَ اے آئی ءِ عملی ایپلی کیشنز ءِ دیمروئی ءِ واستہ کار کنگ بوھگ ءَ اِنت۔ اولویت ءِ دمگ آنی تہ ءَ ایڈ ٹیک، ہیلتھ ٹیک، ایگری ٹیک، فن ٹیک، کلائمیٹ ٹیک ءُ گو ٹیک ھوار اَنت۔ مسل ءِ رد ءَ اے گامگیج راجی اے آئی پالیشی ءَ را عملی گیواری ءِ تہ ءَ بدل کنگ ءُ اے آئی ءِ بنجاہی نوآبادیاتی چاگرد ءِ دیمروئی ءِ وسیلگ اِنت۔ مسل ءِ تہ ءَ زیڈ ٹی ای ءِ گوما سرجمیں ملک ءَ آئی سی ٹی اسکلز پروگرام ءِ ھم ذکر کنگ بوتگ کہ ایشی ءِ تہ ءَ یک لکھ تربیت ءِ بھر زوروک ٹارگٹ کنگ بوتگ اَنت وھدیکہ ایشی ءِ تہ ءَ پاکستان ءَ زیڈ ٹی ای ءِ ھشتمی گلوبل ٹریننگ سینٹر ءِ جوڑ کنگ ءِ تجویز ھم ھوار اِنت۔ اے گامگیج ءِ مول ءُ مراد انسانی وسائل ءِ گنجائش ءَ را گیش کنگ ءُ ٹیکنالوجی ءِ مرکز ءِ بستار ءَ پاکستان ءِ پوزیشن ءَ را مھکم کنگ اِنت۔ مسل ءِ رد ءَ ورلڈ بینک ءِ کمک ءَ ڈیجیٹل معیشت ءِ گیشی ءِ منصوبگ ءِ چیر دستی ءَ گامگیج ڈیجیٹل پبلک انفراسٹرکچر ءِ جوڑ کنگ، سرکاری ازمت آناں رسائی ءَ را گہتر کنگ ءُ گورننس ءِ نوکیں رنگ ءَ جوڑ کنگ ءِ سر ءَ دلگوشی دیگ بیت۔ مسل ءِ تہ ءَ پی کے سی آر ٹی ءِ وسیلگ ءَ دو نیمگی ءُ کثیر نیمگی سائبر سیکورٹی کمک ءِ ھم ذکر کنگ بوتگ۔ ایشی ءَ ابید ایشی ءِ تہ ءَ آئی ایم ایم ءِ دیوان، تجارتی شور ءُ سلاھ، تجارتی گپ ءُ تران، ایس آئی ایف سی ءِ تہ ءَ درملکی سرمایہ کاری ءِ گپ ءُ تران ءُ آذربائیجان، ایران، امارات، چین ءُ دگہ ملک آنی گوما مفاہمت نامہ ءِ سر ءَ دستخط کنگ ھوار اَنت۔ مسل ءِ رد ءَ اے درستیں گامگیج پاکستان ءِ ڈیجیٹل مہارت آناں گیش کنگ، جھان ءِ شریکداری آناں دیمروئی دیگ ءُ نوکیں ٹیکنالوجی ءُ آئی سی ٹی ءِ دیمروئی ءِ وسیلگ ءَ ملک ءِ ڈیجیٹل بدلی ءِ کمک ءَ یکجاھی ءَ کمک کن اَنت۔