سیاسی ءُ اقتصادی برجائی ءِ واستہ راجی پڑ ءَ گپ ءُ تران ءِ ضلورت انت، اعظم نذیر  تارڑ

لاہور۔21دسمبر  (اے پی پی):وفاقی کانود ءِ وزیر اعظم نظیر تارڑ ءَ گوشت کہ سیاسی ءُ اقتصادی برجائی ءِ واستہ راجی تک ءَ گپ ءُ تران ءِ ضلورت انت۔ اے ڈائیلاگ پہ ھچ سیاسی پارٹی، مردم ءُ گروہ ءَ نہ اِنت بلکیں پہ مھروانیں وطن ءَ اِنت۔ ہچ راج گوں سیاسی ءُ معاشی بے رھبندی ءَ دیم ءَ شُت نہ کنت۔ آئی ءَ اے ھیالانی درشانی مزنیں سیاسی رھشون ءُ جمہوریت ءِ پیشگام خواجہ شھمد رفیع ءِ 53می شھادت ءِ درگت ءَ یک شمبے ءِ روچ ءَ ایوان اقبال ءَ برجم داشتگیں ’’ راجی ایمنی ءِ لوٹ ءُ پائیدار جمہوری نظام ءِ ضلورت‘‘ ءِ سرھال ءَ سیمینار ءَ گوں تران کنان ءَ کت۔ وفاقی کانود ءِ وزیر ءَ گوشت کہ پاکستان ءَ را سیاسی ءُ اقتصادی استحکام ءِ ضلورت انت۔ ہچ قوم ءُ ملک گوں بے رھبندی ءَ دیم ءَ شُت نہ کنت۔ ما تنقید ءَ را مثبت رنگ ءَ بہ زوریں ءُ رواداری ءِ رھبند ءَ بہ داریں۔ آئی ءَ گوشت کہ خواجہ محمد رفیق شہید ءَ راجی واستہ مزنیں قربانی داتگ۔ خواجہ محمد رفیق شہید ءَ پہ راج ءَ بلائیں قربانی داتگ۔ وفاقی وزیر ءَ گوشت کہ اے وڑیں مراگش برجم دارگ بہ بنت تانکہ یک نیمگ ءَ ما گوست ءِ راجدپتر ءَ گوں آشنا بہ بئیں ءُ دومی نیمگ ءَ اے شخصیت آنی قربانی آں چہ ھم سرپد بہ بئیں۔ آئی ءَ گوشت کہ اے مردماں ھما قرض ادا کتگ کہ آ واجب ھم نہ بوتگ اَنت، منی دعا اِنت کہ آھانی زھگ ءُ ما درست آھانی گْوشگ ءِ سر ءَ عمل بہ کن ایں ۔ سیمینار ءِ تہا مردماں چہ جتا جتائیں مکتب فکر ءَ بہر زرتگ۔