پاکستان ءِ دیم ءَ اوشتاتگیں اندری ءُ درائیں چیلنجاں گوں گر ءُ چیل بوھگ ءِ واستہ راجی یکوئی، فکری یکوئی ءُ زانت ءِ طاقت المی اِنت، فیلڈ مارشل سید عاصم منیر راجی علماء ءُ مشیخ کانفرنس ءَ گوں تران

اسلام آباد۔21دسمبر  (اے پی پی):اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ گوشت کہ پاکستان ءِ دیم ءَ اوشتاتگیں تہی ءُ درائیں چیلنج آنی گوما گر ءُ چیل بوھگ ءِ واستہ راجی یکوئی، فکری یکوئی ءُ زانت ءِ طاقت المی اِنت۔ آئی ءَ 10دسمبر 2025 ءَ اسلام آباد ءَ برجم داشتگیں راجی علماء ءُ مشیخ کانفرنس ءَ گوں تران کنان ءَ ات کہ ایشی ءِ تہ ءَ سرجمیں ملک ءِ توامیں مکتب فکر ءِ علماء ءُ مشیخ کانفرنس ءَ سرجمیں زور ءَ بھر زرتگ ات۔ فیلڈ مارشل ءَ وتی گشتانک ءِ تہ ءَ ناشرکاری، راجی ایمنی، میاں اوستمانی براتی ءِ تہ ءَ پاکستان ءِ دیم ءَ آیوکیں کرد، جنگی تیاری ءُ زانت ءُ قلم ءِ ارزشت ءِ سر ءَ سرجمیں رنگ ءَ گپ ءُ تران کت۔ آئی ءَ قرآن پاک ءِ آیات ءُ شعر آنی حوالہ ءَ پاکستان ءِ بابت ءَ وتی ھاسیں ءُ دوٹوکیں موقف پیش کتگ۔ آئی ءَ گوشت کہ اللہ تعالیٰ ءَ اسلامی ملک آنی تہ ءَ پاکستان ءِ سر ءَ دوئیں مقدسیں مسیت آنی نگہبانی بوھگ ءِ شرپ داتگ۔ آئی ءَ گوشت کہ ریاست حضرت اللہ ءُ ریاست پاکستان ءِ نیام ءَ یک گہتریں سیادی ءُ یکوئی است انت، پرچا کہ دوئیں کلام پاک ءِ بنیات ءَ ءُ رمضان ءِ ماہ ءِ مبارکیں ساھت آنی تہ ءَ جوڑ کنگ بوتگ انت۔ فیلڈ مارشل ءَ گشتگ کہ دوئیں ریاستانی نیام ءَ اے یکسانیت ءِ سبب ایش انت کہ کائنات ءِ رب ءَ یکے ءَ دوئیں مقدسیں مسیتانی سرپرست ءُ دومی ءَ دوئیں مقدسیں مسیتانی سرپرست ءِ کرد دیگی ات۔ فیلڈ مارشل سید عاصم منیر ءَ گوشت کہ آپریشن بنیان مرسوس ءِ وھد ءَ اللہ تعالیٰ ءِ ھاسیں کمک ءَ من نہ ایوک ءَ دیستگ بلکن ءَ اللہ تعالیٰ ءِ ھاسیں کمک ءِ احساس ھم کتگ۔ آئی ءَ اے گپ ءِ پدرائی کت کہ ھرچ اسلامی ریاست ءِ تہ ءَ ریاست ءَ ابید دگہ کس جہاد ءِ پرمان یا فتویٰ دات نہ کنت۔ آئی ءَ ناشرکاری ءِ جیڈھ ءِ سر ءَ مھکمیں بن گپ  زرتگ ءُ گوشت کہ اوگان طالبان ءِ کمک ءَ ناشرکاری ءِ وسیلگ ءَ پاکستان ءِ بے گناھیں شہری ءُ زھگ نشانگ جوڑ کنگ بیگ ءَ اَنت۔ آئی ءَ گوشت کہ فتنہ الخوارج ءِ فارمیشن آنی تہ ءَ کہ اوگانستان ءَ چہ پاکستان ءَ داخل بنت ایشی ءِ تہ ءَ نزیک ءَ 70درسد اوگان اَنت۔ آئی ءَ گوں سدکی ءَ گوشت کہ اوگانستان ءَ فتنہ الخوارج ءُ پاکستان ءِ نیام ءَ گچین کنگی اِنت۔ فیلڈ مارشل ءَ گشتگ کہ ہما راج کہ وتی پیرینانی فکری ءُ فکری میراث ءُ قلم ءِ طاقت ءَ یلہ داتگ انت، آ غربت ءُ پدمنتگی ءِ آماچ بوتگ انت۔ آئی ءَ زانتکار ءُ عالم آں  گوں دزبندی کتگ کہ آ زانت، فکر ءُ یکوئی ءِ وسیلہ ءَ راج ءِ رہشونی کنگ ءِ وتی فرض ءَ پیلو بہ کن انت۔