خاتون اول آصفہ بھٹو زرداری ءَ شہید بے نظیر آباد ءَ شاہراہ ءِ جتا جتائیں منصوبہانی بنگیج کتگ

شہید بینظیر آباد۔21دسمبر  (اے پی پی):بانُک اول آصفہ  بھٹو زرداری ءَ شہید بے نظیر آباد ءَ سڑک ءِ منصوبگ آنی بنگیج کت۔ خاتون اول ءَ سلطان موری ءُ کرنل موری ءِ نزیک ءَ سڑک ءِ بحالی ءُ توسیپ ءِ منصوبگ آنی بنگیج کت۔ بانُک اول ءَ کرنل موری ءَ مہران ہائی وے بندھی شست میل ءُ 3 چک روڈ ءِ بحالی منصوبگ آنی ھم بنگیج کت۔ شہید بے نظیر آباد ءَ سڑک ءِ بحالی ءُ توسیپ ءِ منصوبگ آنی بابت ءَ گپ ءُ تران کنان ءَ بانُک اول عصفہ بھٹو زرداری ءَ گوشت کہ اے منصوبگ آنی مول ءُ مراد دمگی رابطہ کاری ءَ را گہتر کنگ ءُ دمگی آبادی ءِ ٹرانسپورٹ ءَ را آسراتی دیگ اِنت۔ مہران ہائی وے ءَ گوں ہمگرنچیں 27کلومیٹر ءِ سڑک 738کلڑ کلدار ءِ ھرچ ءَ جوڑ کنگ بوتگ۔ ایگزیکٹو انجینئر صوبائی شاہراہ شہید بے نظیر آباد عاصم علی ابرو ءَ بانُک اول ءَ را منصوبگ آنی بابت ءَ سرپد کت۔ بریفنگ ءِ ساھت ءَ گوشگ بوت کہ بندھی سلطان موری روڈ ءَ چہ چک 3 ءَ تاں سڑک ءِ بحالی ءِ منصوبگ گڈی بھر ءَ انت۔ اے 17 کلومیٹر ءِ دراجیں جاڈ ءَ چہ 13 میتگاں 12 ہزار ءِ کساس ءَ مردماں نفع رسیت۔ منصوبگ ءِ ھرچ ءُ درچ 335.154ملین کلدار اِنت۔ مہران ہائی وے بندھی ءَ چہ کرنل موری ءُ سلطان موری روڈ ءَ 3 چک روڈ ءَ تاں بحالی، گہتری ءُ گیشی ءِ منصوبگ سرجم کنگ بوتگ۔ 27کلومیٹر ءِ اے منصوبگ 738.479 ملین کلدار ءِ ھرچ ءُ درچ ءَ سرجم کنگ بوتگ۔ بریفنگ ءِ تہ ءَ تران کنان ءَ آصفہ بھٹو زرداری ءَ گوشت کہ میتگ ءُ دمگ آنی تہ ءَ رابطہ ءِ راہ آنی گہتر کنگ پیپلز پارٹی ءِ اولی ترجی انت۔ شہید بے نظیر بھٹو ءِ ھیال ءُ لیکہ ایش ات کہ آ پدمنتگیں ءُ میتگ ءِ دمگاں دیمروئی ءِ مستریں لیکہ ءِ تہا آرگ بہ بیت۔ سڑک نہ ایوک ءَ سفر ءِ آسراتی ءَ دنت بلکیں وانگ ءُ زانگ، جان سلامتی ءُ دمگی اقتصادی کاراں ھم دیم ءَ برگ ءَ انت۔ 39 ہزار مردم راہ ءِ منصوبہ آں چہ سیت چست کن انت۔ کساناں بازاراں سر بوھگ ءِ تہا مزنیں آسراتی یے بیت۔