صدر آصف علی زرداری چار روچی سرکاری تر ءُ تاب ءِ ھاترا بغداد ءَ سر بوتگ

بغداد۔ 20 دسمبر (اے پی پی): صدر ءِ مملکت آصف علی زرداری عراق ءِ چارروچ ءِ سرکاری تر ءُ تاب ءَ بغداد ءَ شتگ۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ عراق ءِ دود ءُ ربیدگ ءُ سیل ءُ سواد ءِ وزیر پروفیسر ڈاکٹر احمد فکاک احمد البدرانی، عراق ءَ پاکستان ءِ سفیر محمد ذیشان احمد ءُ ایندگر مزنیں کارندہ آں صدر ءِ مملکت ءَ را گرمیں وش اتک کتگ۔ اے تر ءُ تاب ءِ ساھت ءَ صدر ءِ مملکت ءَ عراق ءِ مزن مزنیں سروکی ءَ گوں گند ءُ نند ءِ امیت انت، ایشی ءِ تہ ءَ دوئیں ملک آنی نیام ءَ جتا جتائیں شوبگ آنی تہ ءَ کمک ءِ تہ ءَ گیشی ءِ ھوالگ ءَ گپ ءُ تران کنگ بیت۔ صدر ءِ مملکت ءِ اے تر ءُ تاب پاکستان ءُُ عراق ءِ نیام ءَ براتی سیادی ءَ را گیش دیمروئی دیگ ءَ ھاسیں کرد پیلو کنت.