امارات ءِ رواداری ءُ ہمزوری ءِ وزیر شیخ نہیان بن مبارک النہیان ءَ ضلع خیر پور ءَ سر بوتگ، آئی ءَ را وفاقی داخلہ ءُ منشیات ءِ کنٹرول ءِ وزیر محسن نقوی ءَ  وش آتک کتگ

خیر پور۔17دسمبر  (اے پی پی):امارات ءِ رواداری ءُ ہمزوری ءِ وزیر شیخ نہیان بن مبارک النہیان چار شمبے ءِ روچ ءَ ضلع خیر پور قدان واری ءَ سر بوتگ۔ وفاقی وزیر داخلہ ءُ منشیات ءِ کنٹرول محسن نقوی ءَ شیخ نہیان بن مبارک النہیان ءَ را گہتری ءَ گوں وش اتک کت۔ اے موہ ءِ سر ءَ دوئیں راہشوناں امارات ءِ راجی روچ ءِ درگت ءَ یکجائی ءَ کیک ءِ کٹ اتگ۔ محسن نقوی ءَ امارات ءِ راجی روچ ءِ درگت ءَ شیخ نہیان بن مبارک النہیان ءَ را دل ءِ جہلانکی ءَ چہ مبارکی دات۔ ایشی ءَ پد محسن نقوی ءَ شیخ نہیان بن مبارک النہیان ءَ گوں گند ءُ نند کت ایشی ءِ تہ ءَ پاکستان ءُ امارات ءِ نیام ءَ دو نیمگی کمک ءَ را گیش دیمروئی دیگ، وت مہ وتی مفاد ءِ جیڈھ ءُ یکجائی گامگیج آنی ھوالگ ءَ سرجمیں گپ ءُ تران کنگ بوت۔ شیخ ناہیان بن مبارک النہیان ءَ گوشت کہ منی برات ءِ پاکستان ءَ آیگ ءِ سر ءَ گرمیں وش آتک کنگ ءَ چہ من ءَ باز وشی بوتگ۔ محسن نقوی ءَ شیخ ناہیان بن مبارک النہیان ءَ را پاکستان ءِ آیگ ءِ سر ءَ وش اتک کنان ءَ گوشت کہ پاکستان ءُ امارات ءِ نیام ءَ جوانیں براتی سیادی وت مہ وتی بھروسہ، شرپ ءُ دیریں دوستی ءِ سر ءَ بنیات انت، ایشی ءَ را گیش مھکم کنگ ءِ واستہ دوئیں ملک جزم انت۔ اے موہ ءِ سر ءَ امارات ءِ سفیر سالم محمد الزعبی، وزیر ءِ مملکت عبدالرحمن کنجو ءُ ایندگر مزنیں مردم ھم ساڑی بوتگ اَنت۔