رانا عمران لطیف ءَ زالبولاں بااختیار جوڑ کنگ ءُ نوکیں ڈیجیٹل سسٹم ءِ پھجارینگ ءِ وعدہ کتگ

اسلام آباد۔17دسمبر  (اے پی پی):پی آئی اے ایس انٹرنیشنل ہیومن رائٹس ءِ سینئر اھوالکار، اینکر پرسن ءُ چیئرمین رانا عمران لطیف ءَ گوشت کہ پاکستانی زالبول آنی دیمروئی ءُ رکھینگ مئے اولی ترجی اِنت، پی آئی اے ایس انٹرنیشنل ہیومن رائٹس زالبول آنی کمک ءِ واستہ 24/7 ہیلپ لائن ءِ سوبمندیں رنگ ءَ چلائینگ ءَ اِنت، ما زوت یک نوکیں mi جنین. آئی ءَ چار شمبے ءِ روچ ءَ گروئنگ وومن ءِ نیمگ ءَ برجم داشتگیں زالبول آنی بااختیار کنگ ءُ صلاحیت سازی ءِ ھوالگ ءَ سرپدی سیمینار ءَ گوں تران کنگ ءَ ات۔ آئی ءَ چاگرد ءِ تہ ءَ زالبول آنی ھاسیں کرد ءَ را ساڑات ءُ ڈیجیٹل دور ءِ لوٹ آنی رد ءَ انسانی ھک آنی رکھینگ ءِ واستہ نوکیں گامگیج آنی سر ءَ ھم چمشانک دات۔ رانا عمران لطیف ءَ سائبر کرائم ءِ پڑ ءَ گہتری ءِ گنجائش ءِ نشاندہی کتگ ءُ جوانیں سوج داتگ۔ آئی ءَ گوشت کہ سائبر کرائم یونٹ ءَ را گیش پراھی کنگ ءُ ایشی ءَ را نوکیں وسیلگ آں گوں لیس کنگ ءَ چہ ما وتی شہری ھاسیں رنگ ءَ زالبول آناں ایمنیں ڈیجیٹل چاگرد پجاری کت کناں۔ آئی ئَ گوشت کہ انتظامی ڈھانچہ ئِ گہتری ئَ چہ السی کِشک آنی گیواری ئِ تہ ئَ ترندی کیت۔ دیمروئی کتگیں ملک آنی مثال ءَ پیش کنان ءَ آئی ءَ گوشت کہ ما وتی زالبول آناں مردین آدم آنی ھمراھی ءَ کار کنگ ءِ واستہ گیشیں موہ پجاری بہ کن ایں تانکہ ملک دیمروئی بہ کنت۔ آئی ءَ وتی عزم ءِ پدا زور دات کہ آئی ءِ گل انسانی ھک آنی رکھینگ ءُ زالبول آنی شکایت آنی ترندیں گیواری ءِ واستہ حکومت ءُ ادارگ آنی گوما کمک ءَ وتی جوانیں کرد ءَ را برجاہ دار ایت۔