موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ ٹرانسپورٹ ءِ شوبگ ءِ ڈی کاربونائزیشن ءِ ھاتر ءَ جامع حکمت عملی ءِ ضلورت ءِ سر ءَ زور

اسلام آباد۔17دسمبر  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ ٹرانسپورٹ ءِ شوبگ ءِ ڈی کاربونائزیشن ءِ ھاتر ءَ یک جامع حکمت عملی ءِ ضلورت ءِ سر ءَ زور پر دات ءُ گوشت کہ ٹرانسپورٹ ءِ شوبگ ءِ ڈی کاربونائزیشن ایوک ءَ الیکٹرک گاڑی آنی تہ ءَ ھوار کنگ نہ بیت۔ آئی ءَ اے ھیالانی درشانی چار شمبے ءِ روچ ءَ SPAR6C ءِ نیمگ ءَ برجم داشتگیں کم کاربن ٹرانسپورٹ ءِ ھوالگ ءَ ویبنار ءِ تہ ءَ ’’پاکستان ءِ ٹرانسپورٹ ءِ شوبگ: کاربن ءِ کشگ ءَ را کم کنگ: آرٹیکل 6 ءِ رد ءَ کمک‘‘ ءِ سرھال ءَ گوں تران کنان ءَ کت۔ آئی ءَ گوشت کہ گرین ہائیڈروجن آیوکیں بھاری ٹرانسپورٹ ءِ واستہ یک جوانیں ءُ ناگزیریں آپشن اِنت ایشی ءِ واستہ عملی گامگیج المی اِنت۔ وفاقی وزیر ءَ گرین ہائیڈروجن ءِ پیداوار، کارمرد ءُ یکجا کنگ ءِ امکانات آناں سر کنان ءَ گوشت کہ منصوبگ آنی سوبمندی  جوانیں  شنگ ءُ تالان ءُ ادارگی گنجائش ءِ ھست نہ بوھگ ءَ چہ بوت  نہ کنت۔