اسلام آباد۔ 17 دسمبر (اے پی پی) حکومتِ پاکستان بھارتی جہاز آتیکن تینا فضائی دنگ انا بندش ءِ برقرار تخنگ نا فیصلہ کرینے۔ سول ایوی ایشن اتھارٹی نا کنڈآن جاری کروک تازہ انگا ’نوٹام ‘ (NOTAM)نا رداٹ ، بھارتی رجسٹرڈ جہاز آتیا خلوک پابندی ٹی پین ودکی کننگانے۔ دا پابندی نا مون اٹی نئے بیرہ بھارتی ایئرلائنز نا زیر ملکیت جہاز آک بریرہ، بلکن ہمو غٹ جہاز آک ہم …
حکومتِ پاکستان نا بھارتی جہاز آتیکن تینا فضائی دنگ انا بندش ءِ برقرار تخنگ نا فیصلہ
اسلام آباد۔ 17 دسمبر (اے پی پی) حکومتِ پاکستان بھارتی جہاز آتیکن تینا فضائی دنگ انا بندش ءِ برقرار تخنگ نا فیصلہ کرینے۔ سول ایوی ایشن اتھارٹی نا کنڈآن جاری کروک تازہ انگا ’نوٹام ‘ (NOTAM)نا رداٹ ، بھارتی رجسٹرڈ جہاز آتیا خلوک پابندی ٹی پین ودکی کننگانے۔ دا پابندی نا مون اٹی نئے بیرہ بھارتی ایئرلائنز نا زیر ملکیت جہاز آک بریرہ، بلکن ہمو غٹ جہاز آک ہم اوار مریرہ ہرا بھارتی کمپنی تا بست وبند اٹی ءُ یا لیز آ ہلنگانو۔ کمامدارآتا پاننگ ءِ کہ بھارتی فوجی جہاز آتے ہم پاکستانی دنگ ءِ کاریم اٹ اتنگ نا اسُل موکل مفک۔ جاری کروک نوٹیفکیشن نا رداٹ، دا پابندی ہرا مہالو آن نافذ العمل ءِ ، داسہ 23 جنوری 2026 اسکان برقرار سلک۔ دافیصلہ غان بھارتی ایئرلائنز ءِ مریس فضائی کسر اختیار کروئی تمک، ہراڑآن اونا ایندھن نا خڑچ و سفری وخت اٹی پین ودکی مریک۔
