اسلام آباد۔ 17 دسمبر (اے پی پی) بنجائی وزیر قومی میرات و دودوربیدہ ڈویژن اورنگزیب خان کھچی تون تاجکستان نا وزیر دودوربیدہ مطلوبہ خان سہتوریان امان زادہ اوڑدہی کرے۔ چارشنبے نادے آ داڑے مروک آ اوڑدہی ٹی ہڑتوم آملک آتا نیام اٹ دودوربیدہ ئی سفارت کاری نا کمک اٹ ہڑتوم آ کنڈآتا تعلقداری تے پین سوگو کننگ آامنا کننگا۔ داکان مست بنجائی وزیر قومی میرات و دودوربیدہ ڈویژن اورنگزیب …
بنجائی وزیر قومی میرات و دودوربیدہ ڈویژن اورنگزیب خان کھچی تون تاجک وزیر دودوربیدہ نا وڑدہی
اسلام آباد۔ 17 دسمبر (اے پی پی) بنجائی وزیر قومی میرات و دودوربیدہ ڈویژن اورنگزیب خان کھچی تون تاجکستان نا وزیر دودوربیدہ مطلوبہ خان سہتوریان امان زادہ اوڑدہی کرے۔ چارشنبے نادے آ داڑے مروک آ اوڑدہی ٹی ہڑتوم آملک آتا نیام اٹ دودوربیدہ ئی سفارت کاری نا کمک اٹ ہڑتوم آ کنڈآتا تعلقداری تے پین سوگو کننگ آامنا کننگا۔ داکان مست بنجائی وزیر قومی میرات و دودوربیدہ ڈویژن اورنگزیب خان کھچی جمہوریہ تاجکستان نا وزیر دودوربیدہ ستوریون متلوباخون امون زادہ نا کماشی ٹی پاکستان آ بروک آ بڑزکو کہولی دودوربیدہ ئی ڈل ءِ اسلام آباد انٹرنیشل بالی پٹ آ بخیرکرے۔ تاجکستان نا دودوربیدہ ئی ڈل پاکستان و تاجکستان نا نیام اٹ اولیکو اسیجائی دودوربیدہ ئی میلہ نا چرجوئی ٹی پاکستان نا دورہ ءِ کننگ ءِ ہرانا بنائی دود پگہ (پنچ شنبے) آ کنونشن سینٹر اسلام آباد اٹی اڈ ہلیک۔ دا میلہ نا کمک اٹ ہڑتوم آملک آتا نیام اٹ دودوربیدہ ئی کمکاری نا اسہ پوسکن ءُ بشخ اسے نا بنامریک۔
