اسلام آباد۔ 17 دسمبر (اے پی پی) فیڈریشن آف پاکستان چیمبرز آف کامرس اینڈ انڈسٹری نا صدر عاطف اکرام شیخ و ایرانی قونصل جنرل اکبر عیسیٰ زادہ نا نیام اٹ اہم اوڑدہی مس ہراٹی پاک۔ ایران ہڑتوم آ کنڈآتا واپار ءِ 10 ارب ڈالر اسکان ودفنگ نا بھلو ہدف اس مقرر کننگانے۔ داڑے جاری بیان نا رداٹ پاکستان و ایران اسیجائی واپاری کمیٹی نا قیام و واپاری کچ اٹی …
پاکستان و ایران نا نیام اٹ زرکاری و واپاری رابطہ غاتیٹی اہم ءُ مزل اس عبور، پاکستان اٹ تیز رفتار شونداری، زرکاری و واپاری وارخواہی تا مون آ دننگ اٹ ایس آئی ایف سی نا اہم کڑد
اسلام آباد۔ 17 دسمبر (اے پی پی) فیڈریشن آف پاکستان چیمبرز آف کامرس اینڈ انڈسٹری نا صدر عاطف اکرام شیخ و ایرانی قونصل جنرل اکبر عیسیٰ زادہ نا نیام اٹ اہم اوڑدہی مس ہراٹی پاک۔ ایران ہڑتوم آ کنڈآتا واپار ءِ 10 ارب ڈالر اسکان ودفنگ نا بھلو ہدف اس مقرر کننگانے۔ داڑے جاری بیان نا رداٹ پاکستان و ایران اسیجائی واپاری کمیٹی نا قیام و واپاری کچ اٹی ودکی آ امنا کننگا۔ اوڑدہی ٹی نجی بشخ انا کڑد انا مون آ دننگ و اقتصادی و صنعتی کمکاری ءِ پین سوگو کننگ آ زور شاغنگا۔ قزوین چیمبر آف کامرس نا سروک و باسک آک کراچی ٹی واپاری و صنعتی نمائش اٹی خصوصی بشخ ہلکر۔ نمائش اٹی کشت وکشار ، کیمیائی صنعت، ایل این جی و توانائی نا بشخ آتیٹی اسیجائی زرکاری نا وارخواہی تیا سرجمی اٹ گپ وتران مس۔ پاک ایران واپاری تعلقداری نا سوگوی آن علاقائی و جہانی منڈی اسکان رسینگ اٹ ودکی ممکن مننگ کیک۔ ہڑتوم آ کنڈآتا واپاری کمکاری زرگزرانی سوگوی، روزگار اٹی ودکی و شونہالی نا اومیت مریک۔ ایس آئی ایف سی نا دُور اندیش حکمت عملی پاکستان نا جہانی و اقتصادی رابطہ غاتیٹی ستاکڑزوک گچینی نا سوب جوڑ مننگ ءِ۔
