اسلام آباد۔ 17 دسمبر (اے پی پی) وزیراعظم نا پارت آ نیشنل ڈیزاسٹر مینجمنٹ اتھارٹی (این ڈی ایم اے) فلسطین کن پین کمکی گڑا روانہ کرے۔ 100 ٹن گڑاتیا تالان جم وڑاٹ 27 می کمکی کھیپ الخدمت فاؤنڈیشن نا کمک اٹ گدریفنگا۔ کمکی گڑاتے بذریعہ خصوصی جہاز علامہ اقبال انٹرنیشنل بالی پٹ لاہور آن روانہ کننگا۔ روانہ کروک آ کمکی گڑاتیٹی کمبل ، ترپال ، پچ و زالبول آتیکن …
این ڈی ایم اے فلسطین کن پین کمکی گڑا روانہ کرے
اسلام آباد۔ 17 دسمبر (اے پی پی) وزیراعظم نا پارت آ نیشنل ڈیزاسٹر مینجمنٹ اتھارٹی (این ڈی ایم اے) فلسطین کن پین کمکی گڑا روانہ کرے۔ 100 ٹن گڑاتیا تالان جم وڑاٹ 27 می کمکی کھیپ الخدمت فاؤنڈیشن نا کمک اٹ گدریفنگا۔ کمکی گڑاتے بذریعہ خصوصی جہاز علامہ اقبال انٹرنیشنل بالی پٹ لاہور آن روانہ کننگا۔ روانہ کروک آ کمکی گڑاتیٹی کمبل ، ترپال ، پچ و زالبول آتیکن المی گڑاتا کٹ اوار ءِ، داتم اسکان 27 کمکی کھیپ آتا کمک اٹ مون تروک آ امداد نا جم وزن 2627 ٹن ءِ۔ گڑاتا روانگی نا دود انا مہمان خاص وزیرخزانہ پنجاب ایم پی اے میاں مجتبیٰ شجاع الرحمان و وزیر ہاؤسنگ پنجاب ایم پی اے میاں بلال یاسین ئسک ئسر۔ دود اٹی این ڈی ایم اے و وزارت خارجہ نا آفیسر آتون اوار حکومتی و الخدمت فاؤنڈیشن نا نمائندہ غاک ہم ساڑی ئسر۔ حکومت پاکستان و الس دا مشکل وخت اٹی فلسطین نا الس تون سلوک ءُ و اوفتا گرج آتے پورو کننگ نا ہرممکن کوشست ءِ کننگک۔
