اوغان طالبان رجیم نا سرپرستی ٹی دہشت گردی، برطانوی حکومت نا اوغانستان کن ٹریول الرٹ جاری

اسلام آباد۔ 17 دسمبر (اے پی پی) اوغان طالبان رجیم نا سرپرستی ٹی دہشت گرد تنظیم و ڈیہہ انا بگڑینگوک آ سیکورٹی حالیت جہانی برادری ءِ خبڑدار کرے۔ اوغان طالبان رجیم ءِ بیرہ ڈیہہ اکن آخا بلکن جہانی امن کن ہم خطرہ گوندا۔ سرجم حوال آتا رداٹ برطانوی دفترخارجہ اوغانستان نا بدترین سیکورٹی حالیت آتا رداٹ برطانوی شاری تے خبڑدار کرے۔ اوغان جریدہ خاماپریس نا تازہ انگا انکشاف نا رداٹ برطانوی حکومت سیکورٹی گڑتی تا سوب تینا شاری تے اوغانستان نا سفر ءِ کپننگ نا سخت پارت جاری کرے۔ برطانوی دفترخارجہ نا جاری کروک سفری پارت آتیٹی پرتشدد واقعہ غاتیٹی پدریسہ ودکی ومچ آ ملک خطرہ غاتا پیدواری ءِ کننگا۔ برطانوی حکومت چندی سیمی گزرگاہ تا بند مننگ نا سوب آن سفر ءِ بے کچ خطرناک گوندانے۔ برطانوی دفترخارجہ خبڑدار کرے کہ برطانوی شاری تے اوغانستان اٹی دزگیری و مرغن بندی تون مون تننگ مریک، اوغانستان آ ہنوک آ برطانوی شاری گمانی خطرہ غاتا المی جاچ ءِ ہلے۔ برطانوی وزارت خارجہ اوغانستان اٹی ساڑی برطانوی اشری تے دمدستی پیش تمنگ نا ہم پارت جاری کرینے۔ دیکی کمامدارآتا رداٹ اوغان طالبان رجیم نا بننگ آن بد مخدوش سیکورٹی حالیت، کچ اٹ ہن وبر و سفارتی رسینگ مفننگ نا سوب سیکورٹی الرٹ جاری کننگا۔ اوغان طالبان رجیم نا سرپرستی ٹی فتنۃ الخوارج ڈیہہ اٹی نزوری و سیکورٹی گڑتی تا سوب جہانی سلامتی کن چیلنج اس جوڑ مسنے۔