پنچ شمبے ءِ روچ ءَ کنونشن سینٹر اسلام آباد ءَ پاک تاجک دود ءُ ربیدگی میلہ ءِ بنگیج کنگ بیت

اسلام آباد۔17دسمبر  (اے پی پی): پاکستان ءُ تاجکستان ءِ نیام ءَ اولی یکجائی دود ءُ ربیدگ ءِ میلہ ءِ بنگیج ءِ مراگش باندا کنونشن سینٹر اسلام آباد ءَ برجم دارگ بیت ایشی ءَ چہ دوئیں ملک آنی نیام ءَ دو نیمگی دود ءُ ربیدگ ءِ کمک ءِ نوکیں باب ءِ بندات بیت۔ پاک تاجک دود ءُ ربیدگ ءِ میلہ 19 ءُ 20 دسمبر (جمعہ ءُ شمبے) ءَ لوک ورثہ اسلام آباد ءَ برجم دارگ بیت ءُ ایشی ءِ برجم دارگ ءِ ھاتر ءَ راجی ءُ روایتی ورثہ ءِ راجی ادارگ (لوک ورثہ )، پاکستان نیشنل کونسل آف آرٹس ءُ وزارت راجی ورثہ ءُ دود ءُ ربیدگ ءِ نیمگ ءَ چہ کنگ بوھگ ءَ اِنت۔ اے راجدپتری گامگیج دوئیں ملک آنی نیام ءَ دود ءُ ربیدگ ءِ شریکداری ءِ تہ ءَ سنگ میل ءِ رنگ ءَ ثابت بیت، ایشی ءِ تہ ءَ آھانی دود ءُ ربیدگ، پرفارمنگ آرٹس ءُ وشیں ورگ آنی سر ءَ چمشانک دیگ بیت۔ دو روچی میلہ ءِ ساھت ءَ لوک ورسا ءَ را دود ءُ ربیدگ ءِ ھمگرنچی ءِ مرکز جوڑ کنگ بیت۔ شپ ءِ 12بج ءَ بگر داں 8بج ءَ دستکاری ءِ نمائش، روایتی ازمکار آنی لائیو پرفارمنس، لوک موسیقی، ناچ ءُ تھیٹر ءِ شانداریں نمائش کنگ بیت، وھدیکہ پاکستانی ءُ تاجک روایتی ورگ آنی اسٹال ھم ایر کنگ بنت۔ مشترکہ دود ءُ ربیدگی ورثہ ءِ سرا اسکریننگ ہم میلے ءِ بہر بنت۔ اے ھاسیں پروگرام ءِ رد ءَ جمعہ ءِ روچ ءَ چہ 10بج ءَ بگر داں 12بج ءَ فلم پیشدارگ بنت ءُ شمبے ءِ روچ ءَ ھمے وھد ءَ فارسی زبان ءِ ورکشاپ برجم دارگ بیت۔ اے میلہ ءَ تاجکستان ءِ نامداریں گشندہ نوزیہ کرامت اللہ ءُ نامداریں آرٹسٹ محمد رفیق کرامت اللہ ھوار بنت۔ نوزیہ کرامت اللہ ءَ  را  ’’حزمتِ شوئیستا‘‘   ءِ داد دیگ بوتگ ءُ محمد رفیق کرامت اللہ ”تاجکستان ءِ زسلوزیزا آرٹسٹ“ ءِ نامداریں داد ءِ واھند اِنت۔ اے دود ءُ ربیدگ ءِ میلہ ءِ مول ءُ مراد پاکستان ءُ تاجکستان ءِ نیام ءَ دوستی، وت مہ وتی شرپ ءُ احترام ءُ دود ءُ ربیدگی سیادی ءَ را دیم ءَ برگ اِنت ایشی ءَ چہ آیوکیں وھد ءَ دوئیں ملک آنی نیام ءَ گیشیں کمک ءِ راہ پچ بیت۔ اے درگت ءَ تاجکستان ءِ مزن تک ءِ دود ءُ ربیدگ ءِ ڈل جمہوریہ تاجکستان ءِ دود ءُ ربیدگ ءِ وزیر خان سہاتوریان امانزادہ ءِ سروکی ءَ چار شمبے ءِ روچ ءَ اسلام آباد ءَ سر بوتگ۔