پاکستان ءِ سرکار، سلاہ بندیں اُرد ءُ مزن وزیر شہباز شریف ھمک کودک  ءِ گوما اوشتاتگ ، رانا مشہود احمد خان ءِ پریس کانفرنس

اسلام آباد۔16دسمبر  (اے پی پی): مزن وزیر ءِ ورنا پروگرام ءِ چیئرمین رانا مشہود احمد خان ءَ گشتگ فیض حمید ءُ نیازی ءِ سیادی ءِ پدر کنگ بوتگ کہ ایشی ءَ پاکستان ءِ دیمروئی ءِ راہ بند کتگ۔ پاکستان ءِ سرکار، سلاھ بندیں اُرد ءُ مزن وزیر شہباز شریف ھمک مظلوم ءِ ھمراھی ءَ اوشتاتگ اَنت کہ آئی ءِ سر ءَ بدکاری کنگ بیگ ءَ اِنت۔ بہار ءِ واقعہ ءَ چہ بنی آدمی  حقانی ادارہ کجا بیگواہ  انت؟ ان شا اللہ پاکستان ءِ غدار وتی گڈی آسر ءَ سر کنگ بنت ۔ سئے شمبے ءِ روچ ءَ ادا یک پریس کانفرنس ءِ تہ ءَ رانا مشہود احمد خان ءَ گوشت کہ مزن وزیر شہباز شریف ءِ نیمگ ءَ داتگیں ٹاسک ءِ چیر دستی ءَ من پاکستان ءِ ورنا آناں یکجا کنگ ءَ آں، آھاں بااختیار جوڑ کنگ ءِ واستہ کار کنگ ءَ آں، وفاقی حکومت صوبائی حکومت آنی گوما کار کنگ ءَ آں کہ آھاں پلیٹ فارم ءِ پھجارینگ ءُ آوانی زندمان ءَ را جوڑ کنگ ءَ آں، یک موہ یے کہ چہ وانگ ءُ زانگ ءِ پڑ ءَ بگر داں تکنیکی وانگ ءُ زانگ، آئی ٹی، سائنس ءُ ٹیکنالوجی، آرٹ ءُ کلچر، ءُ اسپورٹس ءَ ھرچ پڑ ءَ گوں شرپ ءَ دیم ءَ آیگ ءِ موہ۔ پاکستان ءِ ورنا میرٹ ءُ وتی صلاحیتانی بنیاد ءَ دیم ءَ آیگ لوٹ اَنت۔ آئی ءَ گوشت کہ فیض حمید ءُ نیازی ءِ میان ءَ نیکس ءِ ھما زھر ءِ ذمہ وار انت کہ پاکستان ءِ زھگ آنی دماگ آنی تہ ءَ ریچگ بوتگ کہ ایشی ءَ چہ راجی زھگ آشوب ءِ نیمگ ءَ رھادگ بوتگ انت۔ اے فیض ءُ نیازی گِستا ءَ پاکستان ءِ دیمروئی ءِ راہ بند کتگ۔ اے گِر ءُ دار ءَ پاکستان ءِ زھگانی آیوکیں باندات سیاہ ءُ تہار کتگ۔ مروچی پاکستان ءِ ورنا اے جُست ءَ کنگ ءَ اَنت کہ اے زھگ ءُ جنکانی زمہ وار کئے اِنت کہ آ انچیں راہ ءِ سر ءَ راھشونی کنگ بوت اَنت کہ آیانی باندات جوڑ نہ بوت، آیانی بُن ھشت پروش بوت، آیانی دیمروئی ءِ راہ گِر ءُ دار بوت اَنت؟ آئی ءَ گوشت کہ من فیلڈ مارشل جنرل عاصم منیر ءَ را مبارک بات دئیگ ءَ آں کہ آئی ءَ ادارگ ءِ تہ ءَ احتساب ءِ مثال ایر کتگ، یک انچیں مثال ءِ تہ ءَ اختیارات ءِ ناجائز کارمرد کنگ ءِ احتساب آئی ءِ وتی ادارگ ءَ چہ بندات کنگ بوتگ۔ مرچی پاکستان ءِ ورناہاں یک انچیں مثالے دیم ءَ آرگ بوتگ کہ آئین ءُ قانون ءَ چہ کس بُرز نہ اِنت، ھرکس آئین ءُ قانون ءِ ھلاپ ءَ روت ءُ وت ءَ باز زوراک لیک ایت آ ھم احتساب کنگ بوت کنت، پہ ورناہاں یک انچیں مثالے دیم ءَ آرگ بوتگ کہ ترا چہ ھچ چیز ءَ ترسگ ءِ ھژدری نہ اِنت۔ آئی ءَ گوشت کہ مزن وزیر شہباز شریف یک مثال ءِ دیم ءَ آرگ ءَ اِنت کہ میرٹ ءِ بنیات ءَ ورنا آنی تہ ءَ لیپ ٹاپ بھر ءُ بانگ کنگ بوھگ ءَ اِنت، ھمے رنگ ءَ دگہ آسراتی ءُ ایوارڈ دیگ بوھگ ءَ اِنت، ورنا آنی تہ ءَ دست کپتگیں ٹیلنٹ ءَ را دیم ءَ آیگ ءِ موہ دیگ بوھگ ءَ اِنت، ترا دیم ءَ روگ ءِ موہ دیگ بوھگ ءَ اِنت وھدے کہ ڈینش اسکول ءُ پاکستان فنڈ ءِ وسیلگ ءَ کار کنگ بوھگ ءَ اِنت، دنیا پاکستان ءِ نیمگ ءَ شُتگ۔ رانا مشہود احمد خان ءَ گوشت کہ ھمک روچ کجام ھم درملکی سروک پاکستان ءَ آھگ ءَ انت، مئے مزن وزیر، آئی ءِ ٹیم ءُ مئے فیلڈ مارشل جتاجتائیں ملکاں روگ ءَ انت ءُ آھاں گوں گپ ءُ تران کنگ ءَ انت، تپاک کنگ ءَ انت، پاکستان ءِ ورنا آنی واستہ یک آیوکیں باندات ءِ جوڑ کنگ ءِ واستہ شپ ءُ روچ کوشست کنگ بوھگ ءَ انت۔ آئی ءَ گوشت کہ 1995 ءَ حکیم محمد سعید ءَ ھما گپ جتگ ات، آئی ءَ وتی کتاب ءِ تہ ءَ نبشتہ کتگ ات کہ اے دمگ ءَ یہودی لابی ءَ عمران خان گچین کتگ، ڈاکٹر اسرار احمد ءَ وتی گشتانک  ءِ تہ ءَ گشتگ ات کہ نیو ورلڈ آرڈر ءِ تہ ءَ ھما مردم کہ اے دمگ ءَ گچین کنگ بوتگ آ عمران خان انت۔ آئی ءَ گوشت کہ فیض نیازی نیکس پاکستان ءِ بربادی ءِ واستہ بوتگ، اے پاکستان ءَ را ٹریک ءَ چہ دور کنگ ءِ واستہ بوتگ، پاکستان ورنا آنی آیوکیں باندات ءِ تہار کنگ ءِ واستہ دژمن آنی گوما لیگ بوتگ، ایشی ءَ چہ گیش چے بوت کنت، ھما کہ پیسر ءَ پاکستان ءِ ھلاپ ءَ اوشتاتگ اَنت آ پاکستان ءَ جوڑ کنگ بوتگ اَنت۔ آئی ءَ گوشت کہ اینٹی پاکستان پروپیگنڈا ھندوستان ءُ اسرائیل ءِ نیمگ ءَ کنگ بوھگ ءَ اِنت، آ پاکستان ءِ ھلاپ ءَ ملک آنی تہ ءَ نند اَنت ءُ پاکستان ءَ تہمت جن اَنت۔ آئی ءَ گوشت کہ گوست ءِ سرکار ءَ 16 دسمبر ءَ اے پی ایس ءِ سر ءَ اُرش شموشتگ بلے ما شھید بوتگیں زھگانی گھار ءُ گھار آناں ایمنیں باندات دیگ ءَ ایں ۔ دسمبر ءَ ھم اے گپ ءِ یات کیت کہ پاکستان ءِ ھلاپیں لشکر ءِ سروکاں چہ ھلاس کنگ بیت۔ رانا مشہود احمد خان ءَ گشتگ کہ فیض ءُ نیازی ءِ سیادی ءَ جنرل فیض ءَ را سزا دیگ ءِ بندات انت۔ ھما کردارانی ھلاپ ءَ کارروائی کنگ لوٹ ایت کہ آیاں وتی اختیارات ءِ ناجائز کارمرز کتگ ءُ 9 مئی ءَ پاکستان ءِ ٹُکّر ٹُکّر کنگ ءِ منصوبہ بندی کتگ، درملکی فنڈنگ ​​کیس ءِ پیسلہ انگت ءَ دیم ءَ نہ اتکگ۔ القادر ٹرسٹ ءِ فیصلہ ءُ اے وڑیں نوکیں کسہ کہ جوڑ بوتگ انت ہم کنگی انت۔ ھمایاں کہ پاکستان ءَ لٹ داتگ ءُ ڈن ءَ نشتگ اَنت آیانی احتساب کنگ بیت، پھلی نہ بیت۔ اے بس بندات اِنت۔ فوج ءِ ادارگ ءَ وتی وڑا احتساب بندات کتگ ءُ ایشی ءِ تہا ہواریں سیاسی کارست ہم احتساب کنگ بنت۔ اگاں آپریشن بنیان مرسوس ءَ ہندوستان ءِ دندان ءِ سرا ٹپّ جتگ گڑا ہندوستان ءَ درد ءِ احساس کنگی اِنت۔ آئی ءَ گْوشتگ کہ من بہار ءِ وئیل ءَ مذمت کن آں، مئے یک مسلمانیں بانُک ءِ پردہ ءِ پچ کنگ ءِ راہ ءَ پد انسانی ھکانی جھدکار کجا اَنت؟ مھکمیں پاکستان دگنیا ءِ تہ ءَ مظلوم آنی ھک آنی رکھینگ ءِ ضمانت ءَ دنت۔ مزن وزیر شہباز شریف ءُ فیلڈ مارشل جنرل عاصم منیر ھمک مظلوم ءِ گوما اوشتاتگ انت کہ آئی ءِ سرا بدکاری کنگ بوہگ ءَ انت۔ پاکستان گیش مھکم بیت ءُ پاکستان ءِ ورنا پاکستان ءِ بیرک ءِ چیر ءَ دیمروئی ءِ سر ءَ سمجھوتہ نہ کن اَنت۔ فیض حمید ءُ نیازی بندات انت انشاللہ پاکستان ءِ غدار وتی گڈی آسر ءَ سر کنگ بہ بنت۔