اے پی ایس ءِ وئیل ءَ سرجمیں راج ءَ انتہا پسندی ءِ ھلاپ ءَ یکجاہ کتگ، اسپیکر راجی اسمبلی ءِ نیمگ ءَ چہ کلوہ

اسلام آباد۔16دسمبر  (اے پی پی): راجی اسمبلی ءِ اسپیکر سردار ایاز صادق ءَ آرمی پبلک اسکول پشاور ءِ وئیل ءِ بے گناہیں شہیداں وتی 11 سالی روچ ءِ سر ءَ شگر ءُ منت گپت۔ وتی بیان ءِ تہ ءَ اسپیکر سردار ایاز صادق ءَ اے پی ایس ءِ وئیل ءَ را پاکستان ءِ راجدپتر ءِ تہ ءَ دل تپرکائیں ءُ شموشکاریں واقعہ لیک اِتگ۔ آئی ءَ راجی یکوئی ءِ نوک کنگ ءُ ناشرکاری ءِ ھلاپ ءَ یکجائی جزم ءِ درشان کُت۔ آئی ءَ گوشت کہ اے پی ایس ءِ شھید آنی قربانی ناشرکاری ءِ ھلاپ ءَ راجی یکوئی ءُ جزم ءِ نشان انت ءُ اے وئیل ءَ سرجمیں راج ءَ را انتہا پسندی ءِ ھلاپ ءَ یکجا کتگ انت۔ اسپیکر راجی اسمبلی ءَ شہید آنی کھول آنی صبر ءُ اوپار ءَ را سرجمیں راج ءِ واستہ دلبڈی ءِ وسیلگ لیک اتگ۔ آئی ءَ اے گپ ءِ پدرائی کت کہ پارلیمنٹ ناشرکاری ءِ سرجمیں ھلاسی ءِ واستہ موثر کانود سازی ءِ سرجمیں حمایت ءَ برجاہ دار ایت۔ سردار ایاز صادق ءَ سلاہ بندیں اُرد ءُ سیکورٹی ادارگ آنی جزم ءِ پدا زور پر دات ءُ گوشت کہ داں وھدیکہ ناشرکاری سرجمی ءَ ھلاس کنگ نہ بیت اے ادارگ وتی داد ءِ سر ءَ آرام نہ کن اَنت۔ سردار ایاز صادق ءَ بلوچستان ءِ شھمک خضدار ءَ اسکول ءِ بس ءِ سر ءَ ناشرکاری اُرش ءَ را تچکیں رنگ ءَ مذمت کتگ ءُ کیڈٹ کالج وانا ءِ سر ءَ اُرش ءِ ناکام کنگ ءَ سیکورٹی فورسز ءَ را شگر ءُ منت گپتگ۔ آئی ءَ گوشت کہ پاکستان ءِ الس سلاہ بندیں اُرد ءُ کانود ءِ برجائی ءِ ادارہ آنی گوما اوشتاتگ انت ۔ اسپیکر قومی اسمبلی ءَ گوشت کہ 16دسمبر جزم، یکجائی ءُ ایمنیں آیوکیں وھد ءِ نوک کنگ ءِ روچ اِنت۔