اے پی ایس ءِ بے گناہیں شہیدانی قربانی اچ بے ھال بوت نہ کنان انت، راج ہمیشاں یات کنت، ڈپٹی چیئرمین سینیٹ سیدال خان

اسلام آباد۔16دسمبر  (اے پی پی): سینیٹ ءِ ڈپٹی چیئرمین سیدل خان ءَ آرمی پبلک اسکول پشاور ءِ وئیل ءِ سالروچ ءِ درگت ءَ وتی ھاسیں کلوہ ءِ تہ ءَ گوشت کہ اے پی ایس ءِ بے گناھیں شھید آنی قربانی شموشگ نہ بنت ءُ سرجمیں راج ایشاں مدام یات کنت۔ سینیٹ سیکرٹریٹ ءِ نیمگ ءَ جاڑی بوتگیں کلوہ ءِ رد ءَ ڈپٹی چیئرمین سیدل خان ءَ گوشت کہ پاکستان ءِ راجدپتر ءِ تہ ءَ 16دسمبر 2014 ءِ سیاھیں ءُ آزمائشی روچ بوتگ ھما وھد ءَ ناشرکاراں بے گناہیں زھگ ءُ استاد آناں نشانگ جوڑ کنان ءَ انسانیت ءَ را شرمندگ کتگ۔ اے پی ایس ءِ شہیداں پہ زانت، امن ءُ انسانیت ءَ وتی سر ندر کتگ اَنت۔ ڈپٹی چیئرمین سینیٹ ءَ گوشت کہ اے پی ایس ءِ وئیل ءِ درد انگت ءَ ھمک پاکستانی ءِ دل ءَ تازگ انت ءُ ما شہید آنی ھاندان ءِ صبر ءُ دلیری ءَ را سلام پیش کن ایں ۔ آئی ءَ گوشت کہ سرجمیں راج شہید آنی گس ءِ مردم آنی گوما شانہ پہ شانک ءَ اوشتاتگ ءُ آوانی غم ءَ یک پیم ءَ بھر ءُ بانگ کنگ ءَ انت۔ سعیدل خان ءَ اے گپ ءِ پدر کنگ ءَ گشتگ کہ سرجمیں راج ناشرکاری ءِ ھلاپ ءَ سلاہ بندیں اُرد ءِ گوما شانہ ءِ سرا اوشتاتگ ءُ ناشرکار ھچ وڑیں مراعات ءِ مستحق نہ انت۔ ناشرکاری ءِ سرجمیں ھلاسی ءِ واستہ سلاہ بندیں اُرد شپ ءُ روچ سر ءُ چل اَنت۔ ڈپٹی چیئرمین سینیٹ ءَ گوشت کہ چیف آف ڈیفنس فورسز فیلڈ مارشل جنرل سید عاصم منیر ءِ سروکی ءَ دژمن  سکیں گرانیں وھد ءِ آماچ انت ءُ ناشرکاری ءِ ھلاپ ءَ جنگ ءَ سرجمیں راج ءُ توامیں ادارگ یکجا  انت۔ آئی ءَ وتی جزم ءِ پدا زور دات ءُ گوشت کہ داں ناشرکاری سرجمی ءَ ھلاس کنگ مہ بیت ءُ پاکستان ءَ را امن ءُ ایمنی ءُ رژنائیں آیوکیں وھد ءِ نیمگ ءَ برگ بہ بیت۔