اے پی ایس ءِ بے گناہیں زھگ آنی قربانی پاکستان ءِ راجدپتر ءِ اچ بے ھیال کنگ نہ بیت، ریلوے ءِ وفاقی وزیر

اسلام آباد۔16دسمبر  (اے پی پی): ریلوے ءِ وفاقی وزیر محمد حنیف عباسی ءَ اے پی ایس ءِ وئیل ءِ بے گناہیں شہید آناں خراج تحسین پیش کتگ۔ اے پی ایس ءِ وئیل ءِ سالروچ ءِ موہ ءَ ریلوے ءِ وزیر ءَ وتی بیان ءِ تہ ءَ گوشت کہ اے پی ایس ءِ بے گناھیں زھگ آنی قربانی پاکستان ءِ راجدپتر ءِ یک نا شموشکاریں بابے ءُ راج انگت ءَ اے پی ایس ءِ شھید آنی کھول ءِ غم ءَ گوں بھر ءُ بانگ کنت۔ آئی ءَ اے دل ءِ ٹپّی ئیں واقعہ ءَ را انسانیت ءِ سر ءَ اُرش لیک اِتگ کہ ایشی ءَ سرجمیں راج ءِ سرا زھر ءُ زھر ءِ ھال داتگ۔ ریلوے ءِ وزیر ءَ اے گپ ءِ سر ءَ زور پر دات کہ اے پی ایس ءِ شھید آں ناشرکاری ءِ ھلاپ ءَ راجی جزم ءَ را نوکیں مھکم دات ۔ آئی ءَ اے گپ پدر کت کہ پاکستان ءِ امن ءِ دژمن وتی نا شریں ارادہ ءَ ھچبر سوبمند نہ بنت۔ آئی ءَ گوشت کہ ناشرکاری ءِ ھلاپ ءَ جنگ داں گڈی ناشرکار ءِ ھلاسی ءَ تاں سرجمیں زور ءَ برجاہ مان ایت۔ ریلوے ءِ وزیر ءَ راج ءِ بہادریں قوت ءُ سیکورٹی ادارگ آناں شگر ءُ منت گپت ءُ گوشت کہ آ ناشرکاری ءِ ھلاپ ءَ سیسہ ءِ دیوال انت۔ ریلوے ءِ وزیر ءَ گوشت کہ اے پی ایس ءِ شہید آنی یات مارا یکوئی، دلیری ءُ پڑ ءِ سبق ءَ دنت ۔ آئی ءَ وعدہ کت کہ پاکستان وتی شہیدانی ہون ءِ ہمک ترم ءِ حساب ءَ کنت۔ آئی ءَ شہیدانی رِتک برز کنگ ءُ آہانی کھول ءِ صبر ءِ دعا لوٹائینتگ۔