ناشرکاری  ءِ ھلاپ ءَ جنگ ءَ اے پی ایس ءِ بے گناہیں زھگانی قربانی ھچبر شموشگ نہ بنت، بنجاھی وزیر رسانک

اسلام آباد۔16دسمبر  (اے پی پی): وفاقی وزیر برائے مواصلات ءُ صدر استحکام  پاکستان پارٹی عبدالعلیم خان ءَ اے پی ایس پشاور ءِ وئیل ءِ کسانیں شہیداں شگر ءُ منت درشان کتگ ءُ گشتگ کہ اے دل کشیں وئیل انگت ءَ راج ءِ واستہ غم ءِ سبب انت۔ سوشل میڈیا پلیٹ فارم ’’ایکس‘‘ ءِ سر ءَ وتی کلوہ ءِ تہ ءَ عبدالعلیم خان ءَ شھید آنی قربانی ساڑاتگ ءُ گوشت کہ ناشرکاری ءِ ھلاپ ءَ جنگ ءَ بے میاریں زھگ آنی قربانی ھچبر شموشگ نہ بنت۔ اے پی ایس ءِ کسانیں شہید راج ءِ بامرد انت ۔ اے پی ایس ءِ وئیل قربانیانی مزنیں کسہے کہ مدام زرین آباں نبشتہ کنگ بیت۔ وفاقی وزیر ءَ گوشت کہ وانگ ءُ زانگ ءِ واستہ آیوکیں نودربر آنی سر ءَ بے رھبندیں تیرگواری ظلم ءُ زوراکی ءِ اوج اِنت۔ آئی ءَ اے گپ ءِ سرا اپسوز درشان کتگ کہ اے بزدلیں اُرش ءَ پاکستان ءِ آیوکیں بازیں ڈاکٹر، انجینئر ءُ استاداں چہ زبہر کتگ ءُ بازیں مات ءُ پتانی زند ہم تہار کتگ۔ آئی ءَ پاکستان سلاہ بندیں اُرد ءَ را داد ءِ درشان کت ءُ گوشت کہ پاکستان سلاہ بندیں اُرد ءَ دہ سال ءَ چہ ناشرکاری ءِ ھلاپ ءَ جنگ ءَ اِنت، شہید آنی مزار ھمت ءُ وفاداری ءِ یادگار جوڑ بوتگ اَنت۔ عبدالعلیم خان ءَ دعا کت کہ اللہ تعالیٰ شہیدانی درجہ ءَ بُرز بہ کنت ءُ راج ءَ را پدا ھچبر چوشیں وئیل ءِ دیمپانی مہ بیت۔